பொதுவாக நாம் அன்றாட வாழ்வில் தினமும் பயன்படுத்தும் காய்கறிகளில் முழுக்க முழுக்க சத்துக்கள் நிரம்பியுள்ளது. அதிலும் கொடிக்காய்களில் உள்ள சத்துகள் எண்ணிலடங்காதவை. கொடிக்காய்களை வாரம் ஒரு முறை அல்லது இரண்டு முறை எடுத்துக் கொள்வது உடல் நலத்திற்கு மிகுந்த நன்மை சேர்க்கும். அந்த வகையில் நீங்கள் இதுவரை தேங்காய் துவையில், எள்ளு துவையல், கடலை துவையல் உள்ளிட்ட புகழ்பெற்ற துவையல் வகைகளை நீங்கள் இதுவரை ருசித்து பார்த்தது உண்டு. ஆனால், தென்னிந்தியாவின் புகழ்பெற்ற துவையல்களில் ஒன்றான பீர்க்கங்காய் துவையல், ஏராளமான மருத்துவ குணங்கள் கொண்டுள்ள உணவு பொருளாகும். பீர்க்கங்காயில் கூட்டு சாப்பிட்டு அலுத்து போனவர்களுக்கு கூட பீர்க்கங்காய் சட்னி, பீர்க்கங்காய் துவையில் இப்படி ஒருமுறை செய்து பாருங்கள். இது இட்லி தோசை மற்றும் சூடான சாதத்துடன் சுவையாக இருக்கும்.
முதலில் ஒரு கடாயை அடுப்பில் வைத்து எண்ணெய் ஊற்றி காய்ந்ததும் உளுந்தம் பருப்பு, சீரகம், தனியா, பூண்டு, கொத்தமல்லி, கறிவேப்பிலை, பெரிய வெங்காயம், தேங்காய், பச்சை மிளகாய், புளி, பீர்க்கங்காய் சேர்த்து வதக்கி எடுத்துக் கொள்ளவும்.
பின் இதனை ஒரு மிக்ஸி ஜாரில் சேர்த்து அதனுடன் உப்பு, பெருங்காயத்தூள் சேர்த்து கொரகொரப்பாக அரைத்து எடுத்துக் கொள்ளவும். அவ்வளவுதான் சுவையான பீர்க்கங்காய் துவையல் தயார்.
