ஜோதிடத்தின் படி, கிரகங்கள் ஒவ்வொன்றும் ஒரு குறிப்பிட்ட கால இடைவெளியில் ராசியை மாற்றி, மனித வாழ்க்கையில் தாக்கத்தை ஏற்படுத்தும். அனைத்து கிரகங்களிலும் சனி பகவான் மிகவும் முக்கியமான கிரகமாக உள்ளார். சனி பெயர்ச்சி மிக முக்கிய ஜோதிட நிகழ்வாக பார்க்கப்படுகின்றது. சனி பகவான் மனிதர்கள் செய்யும் செயல்களுக்கு ஏற்ப அவர்களுக்கு பலன்களை அளிக்கிறார். சனி பாரபட்சம் இல்லாமல் அனைவர் மீதும் சமமான அன்பை பொழிகிறார். அந்த வகையில், 2026-ம் ஆண்டு நிகழவிருக்கும் சனிப் பெயர்ச்சி, சனி பகவான் மீன ராசியில் சஞ்சரிக்கும் காலகட்டம், குறிப்பாக மூன்று ராசிக்காரர்களுக்கு மிக முக்கியமான படிப்பினைகளையும், பெரிய மாற்றங்களையும் கொண்டு வரப் போகிறது. அவை நன்மையாக இருந்தாலும் சரி, தீமையாக இருந்தாலும் சரி, சனியின் தாக்கம் சற்று அதிகமாகவே காணப்படும். யார் அந்த ராசிக்காரர்கள் என்று இந்த ஆன்மிகப் பதிவில் தெரிந்து கொள்ளலாம்.
மேஷம்
மேஷ ராசிக்காரர்களுக்கு, 2026ம் ஆண்டு சனியின் சஞ்சாரம் ஒரு கலவையான பலன்களையே தரும். இது ஒரு சுயபரிசோதனைக்கான ஆண்டாக அமையும். உங்கள் கடின உழைப்பு மற்றும் பொறுமைக்கான பலன்கள் நிச்சயம் கிடைக்கும். நிதானமான வாழ்க்கை வாழ வேண்டியது அவசியம். நீண்ட காலமாக நிலுவையில் இருந்த வேலைகள் வெற்றிகரமாக முடிவடையும். குடும்பத்தினர் மற்றும் நண்பர்களுடனான உறவு வலுவாக இருக்கும். பழைய பிரச்சனைகள் முடிவுக்கு வரும். உங்களின் மதிப்பு, மரியாதை அதிகரிக்கும். உடல் உழைப்புக்கு ஏற்ற வருமானம் கிடைக்கும்.
கும்பம்
கும்ப ராசியில் பிறந்தவர்களுக்கு, 2026-ம் ஆண்டு சனிப்பெயர்ச்சி மிகவும் செல்வாக்கு மிக்கதாக இருக்கும். உங்கள் வாழ்க்கையில் நீங்கள் எதிர்பாராத பெரிய மாற்றங்கள் நிகழலாம். எதை செய்தாலும் உங்கள் முழு மனதையும் செலுத்தி, மிகவும் பொறுமையாக இருக்க வேண்டும். நிதி நிலைமை மேம்படும். ஆனால் இந்த ஆண்டில் அவசரமாக எதிலும் முதலீடுகளை செய்வதைத் தவிர்க்க வேண்டும். அரசியல்வாதிகளுக்கு உங்கள் முயற்சிகள் அனைத்தும் வெற்றிப் பாதையை நோக்கிச் செல்லும். கடன்களைத் திருப்பி அடைத்து புதிய சேமிப்புகளில் ஈடுபடுவீர்கள்.
மீனம்
2026-ம் ஆண்டில், சனி பகவான் உங்கள் ராசியான மீன ராசியிலேயே சஞ்சரிப்பார். இது ஏழரை சனியின் தாக்கத்தை உங்களுக்கு முழுமையாகக் கொடுக்கும். உங்கள் பொறுப்புகள் பன்மடங்கு அதிகரிக்கும். சிரமங்கள் மற்றும் தாமதங்கள் இருந்தாலும், விடாமுயற்சியுடன் நேர்மையாக செயல்பட்டால் நிலையான வெற்றி கிடைக்கும். இதுவரை நிதி பிரச்சனைகளை சந்தித்து வந்தால், 2026 ஆம் ஆண்டில் நிதி நிலை சிறப்பாக இருக்கும். இந்த காலத்தில் நீங்கள் செய்யக்கூடிய தொழிலில் வளர்ச்சியும், உத்தியோக பதவி உயர்வு உண்டாகும். மாணவர்கள் கடினமாக படித்தால் நல்ல மதிப்பெண் பெறலாம்.
இதனையும் படியுங்கள் : 12 ராசிகளுக்குமான சூரிய பெயர்ச்சி பலன்கள்!!
