மாலை வேளையில் உங்கள் குழந்தைகளுக்கு ஏதாவது சாப்பிட கேட்கிறார்களா அப்போ இந்த சுவையான மற்றும் ஆரோக்கியமான வாழைத்தண்டு பக்கோடா செய்து கொடுங்கள்!!

பக்கோடா இந்தியா முழுவதும் மிகவும் பிரபலமாக இருக்கும் ஒரு மாலை நேர சிற்றுண்டி. பக்கோடாக்களில் பல வகை உண்டு. அதில் வெங்காய பக்கோடா, காலிஃப்ளவர் பக்கோடா, சிக்கன் பக்கோடா, முந்திரி பக்கோடா, இறால் பக்கோடா, பன்னீர் பக்கோடா, மற்றும் உருளைக்கிழங்கு பக்கோடா மிகவும் பிரபலமானவை. அதில் நாம் இன்று இங்கு காண இருப்பது வாழைத்தண்டு பக்கோடா. நார்ச்சத்து மிகுந்த வாழைத்தண்டு ஆரோக்கியத்தின் சுரங்கமாக கருதப்படுகிறது. எடையைக் குறைக்கவும், சிறுநீரகக் கற்களின் பாதிப்பிலிருந்து உடலைக் காக்கவும் வாழைத்தண்டு மிகவும் கைகொடுக்கும். குறிப்பாக வெயில் காலங்களில் கட்டாயம் உண்ணவேண்டிய உணவில் இது முக்கியமானது.

காலங்காலமாகப் பொரியல், கூட்டு என்று மட்டுமே நாம் வாழைத் தண்டை சமைத்து வருவதால், சில நேரங்களில் ஒருவித அலுப்பை இது கொடுத்து கூடும். அதே வாழைத்தண்டை வைத்து சுக்கா, சமோசா, முறுக்கு, வடை, பக்கோடா என்று விதவிதமாகச் செய்யலாம். மாலை நேரங்களில் காபியுடன் பக்கோடாவை சுவைப்பது பெரும்பாலானோருக்கு மிகவும் விருப்பமான காம்பினேஷன் ஆக இருக்கிறது. விருந்தினர்களின் வருகையின் போதும், குழந்தைகளின் சிணுங்கலின் போதும் இல்லத்தரசிகளின் மெனுவில் இடம் பெறுவதும் பக்கோடா தான். ஒரு சில பொருள்களை வைத்துக்கொண்டே சுலபமாகத் தயாரித்து விடக்கூடிய பக்கோடாவால் குடும்பத்தினரையும் உறவினர்களையும் மகிழ்ச்சியடைய செய்ய முடியும். உடலுக்குச் சத்தும் மனத்துக்கு உற்சாகமும் அளிக்கும் வாழைத்தண்டு வைத்து பக்கோடா எப்படி செய்வது என்று பார்ப்போம்.

இதனையும் படியுங்கள் : கிராமத்து ஸ்டைல் வாழைத்தண்டு சாம்பார் மணக்க மணக்க இப்படி ஒரு முறை வீட்டில் செய்து பாருங்க!