சனி பகவான் அனைத்து கிரகங்களிலும் மிக முக்கியமான கிரகமாக பார்க்கப்படுகிறார். இவரது ஒவ்வொரு அசைவும் மிகப்பெரிய ஜோதிட நிகழ்வாக கருதப்படுகின்றது. ஜோதிடத்தின் படி சனி பகவான் 2023 ஆம் ஆண்டு தனது சொந்த ராசியான கும்ப ராசியில் பெயர்ச்சி ஆனார். அவர் 2025 ஆம் ஆண்டு வரை இந்த ராசியிலேயே இருப்பார். எனினும் வக்ர பெயர்ச்சி, வக்ர நிவர்த்தி, உதயம், அஸ்தமனம் போன்ற மாற்றங்கள் இருக்கும். கும்ப ராசியில் பயணம் செய்யும் சனிபகவான் ஜூன் கடைசி முதல் முதல் வக்ரகதியில் பயணம் செய்யப்போகிறார். மக்கள் செய்யும் செயல்களுக்கு ஏற்ப பலன்களை அளிக்கும் சனி பகவான் தனது சொந்த ராசியில் இருப்பதால் ஷஷ ராஜயோக, கேந்திர திரிகோண ராஜயோகம் ஆகிய யோகங்கள் உருவாகியுள்ளன. சனி பகவான் ஜூன் 30 அதிகாலை வக்கிரப் பெயர்ச்சி அடைய உள்ளார்.
அவர் தற்போது தனது சொந்த ராசியான கும்ப ராசியில் இருக்கிறார். சனி பகவானின் வக்ர பெயர்ச்சி முக்கியமான ஜோதிட நிகழ்வாக உள்ளது. சனி வக்கிரமடைவதால் சனிப்பெயர்ச்சியால் யாருக்கெல்லாம் பாதிப்பாக இருந்ததோ அவர்களுக்கு சில நன்மைகளையும் யாருக்கெல்லாம் சாதகமாக இருந்ததோ அவர்களுக்கு சில பாதிப்பு உண்டாக வாய்ப்புகள் அதிகம். சனி வக்ர பெயர்ச்சியின் தாக்கம் அனைத்து ராசிகளிலும் இருக்கும். எனினும் சில ராசிகளில் இதனால் அதிகப்படியான நன்மைகள் ஏற்படும். இந்த வக்ர பெயர்ச்சியால் யாருடைய வாழ்க்கையில் அதிகப்படியான நற்பலன்கள் கிடைக்கப்போகிறது என்று இந்த ஆன்மீகப் பதிவில் பார்க்கலாம்.
வக்ர பெயர்ச்சி என்றால்
அவ்வப்போது முன்பும், பின்னும் நகர்ந்து பலன்களை மாற்றுவார். சில சமயங்களில் ராசி ரீதியாக மாறாமல் நட்சத்திர ரீதியாக முன்னும் பின்னும் நகருவார். இவர்தான் இந்த முறை வக்கிர பெயர்ச்சி அடைய போகிறார். கும்பத்தில் சனி பின்னோக்கி சதய நட்சத்திற்கு செல்கிறார். அதனால் இது வக்கிர பெயர்ச்சி. ஜூன் 30-ம் தேதி முதல் வக்ர பெயர்ச்சி அடைகிறார் சனி பகவான். அதன்பின் அக்டோபர் 5ம் தேதி மேலும் பின்நோக்கி சென்று அவிட்டம் நட்சத்திரத்தை அடைகிறார்.
ரிஷபம்
சனி வக்ர பெயர்ச்சியின் தாக்கத்தால் ரிஷப ராசிக்காரர்களுக்கு நீண்ட நாட்களாக சிக்கி இருந்த பணம் தற்போது கிடைக்கும். வியாபாரத்தில் லாபம் அதிகரிக்கும். சனி மூலம் உங்களுக்கு திருமண வாய்ப்புகள் கிடைக்கும். பல நாட்களாக நடக்காமல் இருந்த திருமணம் கைகூடும் வாய்ப்புகள் உள்ளன. முதலீடுகளை செய்ய இது ஏற்ற நேரமாக இருக்கும். அதிகாரிகள் உங்கள் பணியால் மகிழ்ச்சி அடைவார்கள். பண வரவு நன்றாக இருக்கும். நல்ல வரன் அமையும். குழந்தை பாக்கியம் கிடைக்கும். குடும்பம் மற்றும் நண்பர்களுடனான உங்களின் உறவு, இணக்கமான சூழ்நிலை சிறப்பாக இருக்கும்.
மிதுனம்
சனி பெயர்ச்சியின் தாக்கத்தால் உங்கள் படைப்பாற்றல் அதிகரிக்கும். பழைய நண்பர்களை சந்திப்பீர்கள். உறவினர்கள் மற்றும் நண்பர்களின் முழுமையான ஆதரவு கிடைக்கும். எதிர்காலத்தை புரட்டி போடும் அந்த ஒரு சம்பவம் கண்டிப்பாக நடக்கும். அதாவது திருமணத்திலோ, வேலையிலோ நீங்கள் எதிர்பார்க்காத பெரிய மாற்றம் நடந்து உங்கள் எதிர்காலத்தையே புரட்டி போடும். வியாபாரம் செய்யக்கூடியவர்களுக்கு நல்ல லாபமும், வெற்றியும் கிடைக்கும். உத்தியோகத்தில் நீண்டகாலமாக தடைப்பட்டிருந்த பதவி உயர்வு, சம்பள உயர்வு உங்களுக்கு இந்த காலத்தில் கிடைக்க வாய்ப்புள்ளது.
சிம்மம்
சனி பெயர்ச்சியின் தாக்கத்தால் பணியிடத்தில் உங்கள் பணி பாராட்டப்படும். நீண்ட நாட்களாக தடைபட்டிருந்த பல பணிகள் இப்பொழுது வெற்றிகரமாக நடந்து முடியும். வேலை தேடுபவர்களுக்கு தகுதிக்கேற்ற நல்ல வேலை அமையும். திட்டமிட்ட பணிகளில் நல்ல முன்னேற்றமும், அதன் மூலம் வருவாயும் ஏற்படும். பண வரவு அதிகரிக்கும். ஆன்மீக சுற்றுலா சென்று வருவீர்கள். போட்டி தேர்வுகளுக்கு தயாராகும் மாணவர்கள் வெற்றி பெறுவார்கள். சமூகத்தில் உங்களின் மதிப்பு, மரியாதை அதிகரிக்கும்.
கன்னி
சனி வக்ர பெயர்ச்சி கன்னி ராசிக்காரர்களுக்கு லாபகரமானதாக இருக்கும். சமூகத்தில் உங்கள் மதிப்பும் மரியாதையும் அதிகரிக்கும். ஆரோக்கியம் நன்றாக இருக்கும். வியாபாரத்தில் லாபம் அதிகரிக்கும். பண விஷயத்தில் கவனமாக முடிவு எடுக்கவும். முடிந்தவரை கிடைக்கும் லாபத்தை சேமித்து வைப்பது நல்லது. உறவினர்கள் மற்றும் நண்பர்களின் முழுமையான ஆதரவு கிடைக்கும். குடும்பத்தில் மகிழ்ச்சியும் அமைதியும் இருக்கும். குடும்ப உறுப்பினர்களின் உதவியுடன் உங்களின் தொழில், வியாபாரம் முன்னேற்றம் அடையும்.
சனியின் அருளை பெற
சனியின் அருள் இருந்தால் பரம ஏழையாக இருப்பவர் கூட நாடாளும் அரசனாக முடியும். அதனால் சனிக்கிழமை அதிகாலையில் பிச்சைக்காரர்களை எதிரில் பார்த்து அவர் ஏதாவது கேட்டால் அவர்களுக்கு உதவுங்கள். அவர்களுக்கு தாராளமாக பணம், உணவு போன்ற உபச்சாரங்களை செய்யுங்கள். இதனால் சனி பகவான் உங்கள் மீது கருணை கொள்வார். சனிக்கிழமை தோறும் சனி பகவானுக்கு ஒரு சிறு துணியில் எள் முடிந்து, அதை விளக்கில் வைத்து நல்லெண்ணெய் விட்டு விளக்கேற்றி, அர்ச்சனைகள் செய்து வழிபட்டு வந்தால் தடைகள் நீங்கி நன்மையான பலன்களை தரும்.
இதனையும் படியுங்கள் : சனிபகவானின் நட்சத்திர பெயர்ச்சியால் அதிர்ஷ்டம் ஏற்பட போகும் சில ராசிகள்!
