இந்த வாரம் இறுதியில் நண்டு வாங்கி காரசாரமான நண்டு மசாலா இப்படி செய்து பாருங்க! மிச்சம் வைக்காமா சாப்பிடுவாங்க!

Ingredients

• 4 பெரியது நண்டு
• 1/4 கப் தேங்காய்
• 25 சின்ன வெங்காயம்
• 1/2 டேபிள் ஸ்பூன் மிளகாய் தூள்
• 1 டீ ஸ்பூன் மஞ்சள் தூள்
• 1/2 டீ ஸ்பூன் சீரகம்
• எண்ணெய் (தேவைக்கு)
• கடுகு (சிறிது)
• கறிவேப்பிலை (சிறிது)
• உப்பு (தேவைக்கு)

Method

1. நண்டை நன்றாகக் கழுவி சுத்தம் செய்து கொள்ளவும். சின்ன வெங்காயத்தை பொடியாக நறுக்கிக்கொள்ளவும்.

2. தேங்காய், இரு சின்ன வெங்காயம், சீரகம், மிளகாய் தூள், மஞ்சள் தூள் சேர்த்து கொரகொரப்பாக அரைத்துக் கொள்ளவும்.

3. வாணலியில் எண்ணெய் விட்டு கடுகு தாளித்து கறிவேப்பிலை சேர்த்து பின்பு நறுக்கி வைத்துள்ள சின்ன வெங்காயத்தைச் சேர்க்கவும். வெங்காயம் சிறிது வதங்கிய பின் நண்டைச் சேர்க்கவும். இரண்டு நிமிடங்கள் வதக்கவும்.

4. பின்பு அரைத்து வைத்துள்ள தேங்காய் கலவை மற்றும் உப்பு சேர்த்து கிளறவும்.இரண்டு நிமிடங்கள் கிளறவும். பின்பு வாணலியை மூடி வைத்து தீயை மெலிதாக வைக்கவும்.

5. இடையிடையே கிளறி விடவும். 15 நிமிடங்கள் அடுப்பில் வைத்திருக்கவும்.நண்டில் இருக்கும் தண்ணீர் வற்றி வரண்டு வரும்போது தீயை அணைத்து விடவும்.

6. சாதத்துடன் பரிமாற நண்டு மசாலா தயார்.