காரசாரமான முட்டை மசாலா சாதம் இப்படி ஒரு முறை செய்து பாருங்க! இரவு உணவாக செய்து அசத்துங்கள்!!

செய்முறை:

• முதலில் ஒரு கடாயை அடுப்பில் வைத்து எண்ணெய் ஊற்றி எண்ணெய் காய்ந்ததும் பட்டை, கிராம்பு, ஏலக்காய், சோம்பு சேர்த்து பொரிந்ததும், நறுக்கிய வெங்காயம், பச்சை மிளகாய், கறிவேப்பிலை சேர்த்து நன்கு வதக்கவும்.
• வெங்காயம் பொன்னிறமாக வதக்கியதும், இஞ்சி பூண்டு விழுது சேர்த்து பச்சை வாசனை போக வதக்கவும்.
• பிறகு மஞ்சள் தூள். மிளகாய் தூள், மல்லித்தூள், கரம் மசாலா, இவற்றை சேர்த்து வதக்கவும். அடுத்து தக்காளி சேர்த்து சிறிது உப்பு சேர்த்து வதக்கவும். தக்காளி நன்கு குழைய வதக்கவும்.
• தக்காளி வதங்கியதும் அதே கடாயில் ஓரத்தில் ஒதுக்கி வைக்கவும். பிறகு மறுபக்கம் முட்டையை உடைத்து ஊற்றி பெப்பர் சேர்த்து பொரித்து இரண்டையும் கலந்து விடவும்.
• பிறகு வேக வைத்த சாதத்தை சேர்த்து தேவையான அளவு உப்பு சேர்த்து கிளறி கொத்தமல்லி இழைகளை தூவி விடவும்.
• இப்பொழுது முட்டை மசலா ரைஸ் ரெடி.