அனுஷம் நட்சத்திரத்திற்கு பெயர்ச்சியாகும் சூரிய பகவான் இந்த ராசிக்காரர்கள் சற்று அனைத்திலும் கவனமாக இருக்க வேண்டும்!!

ஜோதிடத்தில் கிரகங்களின் இயக்கம் மிகவும் முக்கியத்துவம் வாய்ந்தது. கிரகங்கள் குறிப்பிட்ட கால இடைவெளியில் தங்கள் ராசியை மாற்றுகின்றன. அந்த வரிசையில் ஜோதிடத்தில், சூரியன் கிரகங்களின் ராஜாவாகக் கருதப்படுகிறார். கிரகங்களின் அரசனான சூரியன் ஆற்றல், தைரியம், வீரம், தலைமைத்துவம், புகழ் மற்றும் தந்தையர் பதவியின் காரணியாகக் கருதப்படுகிறார். இவர் ஒவ்வொரு மாதமும் ஒரு குறிப்பிட்ட காலத்தில் ஒரு ராசியிலிருந்து மற்றொரு ராசிக்குப் பிரவேசிக்கிறார். அந்த வகையில் நவம்பர் 19, 2025 சூரியன் விசாக நட்சத்திரத்தை விட்டு வெளியேறி அனுஷம் நட்சத்திரத்தில் பெயர்ச்சி அடையப் போகிறார். இந்தப் பெயர்ச்சி சில ராசிக்காரர்களுக்கு சிரமங்களை தரக்கூடும். அதிகமாக பாதிக்கப்படக்கூடிய ராசிகள் யார், எந்த விஷயங்களில் கவனமாக இருக்க வேண்டும் என்பது குறித்து இந்த ஆன்மிகப் பதிவில் பார்ப்போம்.‌

கடகம்

கடக ராசிக்காரர்கள் வேலையில் அதிக பிரச்சனைகளை சந்திக்க நேரிடும். வேலை செய்யும் இடத்தில் அதிக சவால்களையும், பிரச்சனைகளையும் சந்திக்க நேரிடும். எதிர்பார்த்த வெற்றி தாமதமடைவதால் நீங்கள் சற்றே மனச்சோர்வுக்கு ஆளாகலாம். அரசுப் பணிகள் பெறுவதில் தடைகள் ஏற்படலாம். வாழ்க்கையில் ஏற்ற தாழ்வுகள் ஏற்படும். பகை அதிகரிப்பதுடன் சிரமங்களும் ஏற்படலாம். வயிறு தொடர்பான உடல்நலப் பிரச்சனைகள் ஏற்படலாம். திருமண வாழ்க்கையில் தேவையற்ற மனவருத்தம் ஏற்படும். வேலை தேடுபவர்களுக்கு எதிர்பார்த்த வேலை அமைய தாமதம் ஏற்படும். 

விருச்சிகம் 

விருச்சிக ராசிக்காரர்கள் காதல் வாழ்க்கையில் அதிக பிரச்சனைகளை சந்திப்பார்கள். நெருங்கிய உறவுகளிலும் அதிகப்படியான சவால்களைச் சந்திக்க நேரிடும். கருத்து வேறுபாடுகள் காரணமாக உறவை முறித்துக் கொள்ளும் எண்ணம் ஏற்படலாம், இதனால் மன உளைச்சலும் உண்டாகும். பணத்தை கையாளும் போது கவனமாக இருக்கவும். மனநல பிரச்சனைகள் ஏற்படலாம். வீண் வழக்குகளில் ஈடுபடுவதால் தேவையற்ற பிரச்சினைகளை சந்திக்க நேரிடும். அதனால் உங்கள் பேச்சு, செயலில் கவனம் தேவை. கடன் விஷயத்தில் கவனம் தேவை.

மீனம் 

மீன ராசிக்காரர்கள் இந்த நேரத்தில் நிதி பரிவர்த்தனைகளைத் தவிர்ப்பது நல்லது. நீங்கள் ஏற்கெனவே கடனில் இருந்தால், அந்தக் கடனை அடைப்பது சற்றுக் கடினமாகலாம். பணத்தைக் கையாளும் போது மிகவும் எச்சரிக்கையாகவும், கவனமாகவும் இருக்க வேண்டும். எதிர்பார்த்த பொருளாதார முன்னேற்றம் இருக்காது. ஆரோக்கியத்தில் ஏற்ற இறக்கங்கள் ஏற்படலாம். தேவையில்லாமல் பணம் செலவழிக்க நேரிடும். நீங்கள் எதிர்பார்த்த பதவி உயர்வு அல்லது இடம் மாற்றம் கிடைக்காமல் வருந்துவீர்கள். முயற்சிகளில் தடை, தாமதங்கள் ஏற்படும்.

இதனையும் படியுங்கள் : விருச்சிக ராசிக்கு பெயர்ச்சியாகும் சூரிய பகவான், உங்கள் ராசிக்கான பலன் இதோ!!