இரவு டிபனுக்கு ருசியான பன்னீர் தோசை இப்படி செய்து கொடுத்தீங்கன்னா, சாப்பிட்டுக்கிட்டே இருப்பாங்க அவ்ளோ ஒரு சுவையா இருக்கும்!

Ingredients

• 1 கப் பன்னீர்
• 1 கப் இட்லி மாவு
• 1 வெங்காயம்
• 1 தக்காளி
• புதினா
• 1 ஸ்பூன் மிளகாய் தூள்
• 1 ஸ்பூன் மல்லிதூள்
• 1/4 ஸ்பூன் மஞ்சள்தூள்
• 1/2 ஸ்பூன் கரமசாலா
• 1/2 கப் தேங்காய்துருவல்
• 2 பச்சைமிளகாய்
• 1 ஸ்பூன் சோம்பு
• 6 பல் பூண்டு
• 1 துண்டு இஞ்சி
• 1 ஸ்பூன் கசகசா
• 1 கொத்து கறிவேப்பிலை
• உப்பு (தேவையான அளவு)
• எண்ணெய் (தேவையான அளவு)
• 1 துண்டு பட்டை
• 2 கிராம்பு
• 1 ஏலக்காய்
• 1 சோம்பு

Method

1. முதலில் அடுப்பில் ஒரு குக்கரை வைத்து எண்ணெய் ஊற்றி காய்ந்ததும் அதில் பட்டை, கிராம்பு, ஏலக்காய் , சோம்பு சேர்த்து தாளித்துக் கொள்ளவும்.

2. பிறகு அதில் பொடியாக நறுக்கிய வெங்காயம் சேர்த்து நன்றாக பொன்னிறமாக வதக்கிக் கொள்ளவும். வெங்காயம் பொன்னிறமாக வதங்கிய பிறகு தக்காளி, புதினா சேர்த்து நன்றாக வதக்கிக் கொள்ளவும்.

3. பிறகு அதில் பொடியாக நறுக்கி எடுத்து வைத்துள்ள பன்னீர் துண்டுகளை சேர்த்து கலந்து விட்டு சிறுது நேரம் வேகுவதற்கு தேவையான அளவு தண்ணீர் , உப்பு சேர்த்து வேக வைத்து கொள்ளவும்.

4. பன்னீர் வேகும் நேரத்தில் ஒரு மிக்ஸி ஜாரில் தேங்காய் துருவல், பச்சை மிளகாய், இஞ்சி, பூண்டு, கசகசா, சோம்பு சேர்த்து விழுதாக அரைத்து எடுத்துக் கொள்ள வேண்டும்.

5. பிறகு அதில் அரைத்து வைத்துள்ள தேங்காய் விழுதை பன்னீரில் சேர்த்து நன்றாக மூடி போட்டு பச்சை வாசனை போகும் வரை கலந்து விடவும்.

6. பன்னீர் மசாலா நன்றாக வெந்து வந்து பிறகு அடுப்பில் ஒரு தோசை கல்லை வைத்துஅதன். மீது தோசை மாவை தோசையாக ஊற்றி அதன் மேல் பன்னீர் மசாலாவை தடவி ஒரு பக்கம் வெந்த பிறகு மறுபக்கம் திருப்பி போடாமல் தோசைய மடித்து எடுக்கவேண்டும்.

7. தோசை வெந்து பிறகு எடுத்து இந்த தோசையை சூடாக பரிமாறினால் சுவையான பன்னீர் தோசை தயார்.