காரசாரமான ருசியில் பட்டாணி குருமா இப்படி செய்து பாருங்க! இட்லி, தோசை , பூரி,  சப்பாத்தி அனைத்திற்கும் பக்காவாக இருக்கும்!

Ingredients

• 1 கப் பட்டாணி
• 1 தக்காளி
• 1 ஸ்பூன் மிளகாய்தூள்
• 1/2 ஸ்பூன் மல்லிதூள்
• 1 ஸ்பூன் சீரகதூள்
• 1/2 ஸ்பூன் கரமசாலா
• 1/2 ஸ்பூன் மஞ்சள்தூள்
• 1 பச்சைமிளகாய்
• 1 பிரியாணி இலை
• 1 ஸ்பூன் கடுகு
• 1 ஸ்பூன் சீரகம்
• கொத்தமல்லி (சிறிதளவு)
• உப்பு (தேவையான அளவு)
• எண்ணெய் (தேவையான அளவு)

Method

1. முதலில் பட்டாணியை ஊற வைத்து கழுவிட்டு வேக வைத்து எடுத்து வைத்துக் கொள்ளவும்.

2. பின் ஒரு மிக்ஸி ஜாரில் தக்காளி பழத்தை சேர்த்து அதை விழுதாக அரைத்து எடுத்து வைத்துக் கொள்ளவும்.பிறகு அடுப்பில் ஒரு கடாயை வைத்து எண்ணெய் ஊற்றி காய்ந்ததும் அதில் சீரகம்,கடுகு சேர்த்துதாளிக்கவும்.

3. பிறகு ஒரு சின்ன பாத்திரத்தில் மிளகாய் தூள், மல்லித்தூள், மஞ்சள் தூள், கரம் மசாலாத்தூள், சீரகத்தூள் சேர்த்து சிறிதளவு தண்ணீர் சேர்த்து நன்றாக கலந்து வைத்துக் கொள்ளவும்.இந்த மசாலா கலவையை தாளித்து வைத்துள்ள கடாயில் சேர்த்து கலந்து விடவேண்டும்.

4. அப்போது அடுப்பை மிதமான தீயில் வைத்து விட்டு கலந்து கொள்ள வேண்டும். கலந்து விட்டு பச்சை வாசனை போகும்வரை நன்றாக கலந்து விட வேண்டும்.

5. பிறகு அதில் விழுதாக அரைத்து வைத்துள்ள தக்காளி பழத்தை சேர்த்து நன்றாக கலந்து விட வேண்டும். இப்பொழுதுபச்சை வாசனை சென்ற பிறகு அதில் வேக வைத்து எடுத்துள்ள பட்டாணியை சேர்த்து நன்றாக கலந்துவிட வேண்டும்.

6. பிறகு அதில் பச்சை மிளகாய், பிரியாணி இலை, உப்புசேர்த்து கிளறி விட வேண்டும்.பின்பு நன்றாக கொதி வந்ததும் கொத்தமல்லி தழை தூவி இறக்கினால் சுவையான பட்டாணி குருமா தயார்.