வெள்ளரிக்காய் இருந்தால் ஒரு முறை இதனை செய்து பாருங்கள் சுவையான வெள்ளரிக்காய் சப்பாத்தி!

Ingredients

• 2 கப் கோதுமை மாவு
• 1/4 கிலோ வெள்ளரிக்காய்
• 3 பச்சை மிளகாய்
• 1 இஞ்சி சிறிய துண்டு
• 1 கொத்து கருவேப்பிலை
• 1/4 கப் கொத்தமல்லி தழை
• 1/2 ஸ்பூன் மஞ்சள்தூள்
• 1/2 ஸ்பூன் கரம் மசாலா தூள்
• 1/2 ஸ்பூன் சீரக தூள்
• 1/2 ஸ்பூன் உப்பு
• 10 ஸ்பூன் எண்ணெய்

Method

1. முதலில் வெள்ளரிக்காயை சிறு துண்டுகளாக நறுக்கிகொள்ள வேண்டும். அதேபோல் பச்சை மிளகாயையும் பொடியாக நறுக்க வேண்டும்.

2. பின்னர் இஞ்சியைத் தோல் சீவி வைத்துக் கொள்ளவேண்டும். பிறகு ஒரு மிக்ஸி ஜாரில் இவை அனைத்தையும் சேர்த்துக் கொள்ள வேண்டும். பிறகுஇவற்றுடன் ஒரு கொத்து கறிவேப்பிலை மற்றும் கால் கப் கொத்தமல்லி தழை சேர்த்து, தண்ணீர்சேர்க்காமல் பேஸ்ட் பதத்திற்கு அரைத்துக் கொள்ள வேண்டும்.

3. பிறகு இந்த கலவையை ஒரு கிண்ணத்திற்கு மாற்றிக்கொள்ளவேண்டும். பின்னர் இதனுடன் ஒன்றரை ஸ்பூன் உப்பு சேர்த்து கலந்து கொள்ள வேண்டும்.

4. அதன் பின் இவற்றுடன் அரை ஸ்பூன் மஞ்சள் தூள்,அரை ஸ்பூன் கரம் மசாலா தூள் மற்றும் அரை ஸ்பூன் சீரக தூள் சேர்த்து நன்றாக கலந்து விடவேண்டும். பிறகு இந்த கலவையுடன் 2 கப் கோதுமை மாவு சேர்த்து நன்றாக பிசைய வேண்டும்.

5. இதில் இருக்கும் ஈரப்பதம் சப்பாத்தி மாவு பதத்திற்குவருவதற்கு ஏற்றதாக இருக்கும். சப்பாத்தி மாவு பதத்திற்கு பிசைந்து வைத்தவுடன், இதிலிருந்துசிறு சிறு உருண்டைகளாக பிடித்துக் கொள்ள வேண்டும்.

6. பின்னர் ஒவ்வொரு உருண்டையாக எடுத்து, சப்பாத்திகட்டை மீது வைத்து, சப்பாத்தி போல் தேய்த்து கொள்ள வேண்டும். பிறகு அடுப்பின் மீதுதோசைக்கல் வைத்து, ஒரு ஸ்பூன் எண்ணெய் ஊற்றி, தேய்த்து வைத்த மாவை ஒவ்வொன்றாக சேர்த்துசப்பாத்தி போல் சுட்டு எடுக்க வேண்டும். பிறகு இந்த சப்பாத்தியை சுட சுட அப்படியே சாப்பிடலாம்.