சுவையான முட்டை குழம்பு செய்வது.

Ingredients

• 6 முட்டை (வேகவைத்தது)
• 1 டேபிள் ஸ்பூன் எண்ணெய்
• ¼ டேபிள் ஸ்பூன் மஞ்சள் தூள்
• ½ டேபிள் ஸ்பூன் மிளகாய் தூள்
• உப்பு (தேவையான அளவு)
• ¼ டேபிள் ஸ்பூன் மிளகு பொடி
• 1 பட்டை
• 2 ஏலக்காய்
• 3 கிராம்பு
• ½ டேபிள் ஸ்பூன் சீரகம்
• 2 வெங்காயம் (பொடியாக நறுக்கியது)
• 2 டேபிள் ஸ்பூன் இஞ்சி,பூண்டு விழுது
• 3 பச்சைமிளகாய்
• ½ மஞ்சள் தூள்
• 1 கரம் மசாலா
• 1 மல்லித்தூள்
• 2 மிளகாய்த்தூள்
• 1 தக்காளி (நறுக்கியது)
• ½ கப் தேங்காய் (அரைத்தது)

Method

1. முதலில் வேகவைத்த முட்டையை சிறிதாக கீறிவிடவும்.பிறகு ஒரு கடாயில் எண்ணெய் சேர்த்து எண்ணெய் சூடானதும் மஞ்சள் தூள், மிளகாய் தூள்,கொஞ்சம் உப்பு, சிறிதளவு மிளகு பொடி சேர்த்து கலந்து விடவும். பிறகு முட்டை சேர்த்து சிறிது நேரம் புரட்டிவிடவும்.

2. ஒரு கடாயில் எண்ணெய் சேர்த்து எண்ணெய் சூடானபிறகு அதில் பட்டை,கிராம்பு,ஏலக்காய்,சீரகம் சேர்த்து கலந்து விடவும்.

3. பிறகு நறுக்கிய வெங்காயம் சேர்த்து தேவையான அளவிற்கு உப்பு சேர்த்து வெங்காயம் பொன்னிறமாக வரும்வரை வதக்கவும்.

4. வதங்கிய பிறகு பச்சைமிளகாய், மஞ்சள்தூள், கரம்மசாலா, மல்லித்தூள், மிளகாய்தூள் அதனுடன் சேர்த்து கலந்து விடவும்.

5. பின்பு அதில் நறுக்கிய தக்காளி சேர்த்து நன்றாக கிளறி விடவும்.

6. தக்காளி, வெங்காயம் நன்றாக வதங்கிய பிறகு தேவையான அளவிற்கு தண்ணீர் சேர்த்து கலந்து சிறிது நேரம் வேக விடவும்.

7. எண்ணெய் பிரிந்து வந்த பிறகு அரைத்த தேங்காவை சேர்த்து 2 நிமிடம் வேகவிடவும்.

8. வெந்த பிறகு அதில் முட்டை சேர்த்து அதன் மேல் சிறிதளவு கொத்தமல்லி இலைகளை தூவி விடவும்.

9. இப்பொழுது சுவையான முட்டை குழம்பு தயார்...