சூப்பரான நிலக்கடலை கொத்தவரைங்காய் குழம்பு இப்படி வீடே மணக்க மணக்க ட்ரை பண்ணி பாருங்க!

Ingredients

• 1/2 கப் நிலக்கடலை
• 1/2 கப் கொத்தவரங்காய்
• 1/4 டேபிள் ஸ்பூன் துவரம் பருப்பு
• 1 டேபிள் ஸ்பூன் உளுந்தம்பருப்பு
• 1/2 டேபிள் ஸ்பூன் கடலை பருப்பு
• 1 டேபிள் ஸ்பூன் தனியா
• 1/2 டீஸ்பூன் மிளகு
• 4 வர ‌மிளகாய்
• 4 டேபிள் ஸ்பூன் தேங்காய் துருவல்
• 1/4 கப் புளி கரைசல்
• உப்பு (தேவையான அளவு)
• எண்ணெய் (தேவையான அளவு)
• 1/4 டீஸ்பூன் கடுகு
• 1/2 டீஸ்பூன் உளுந்தம்பருப்பு
• 1 கொத்து கறிவேப்பிலை
• 2 வர ‌மிளகாய்
• 1/4 டீஸ்பூன் பெருங்காயத்தூள்

Method

1. முதலில் நிலக்கடலையை கழுவி இரண்டு மணி நேரம் ஊறவைத்து பின் வேக வைத்து எடுத்துக் கொள்ளவும். கொத்தவரங்காயை கழுவி‌ பெரிய துண்டுகளாக நறுக்கி வைத்துக் கொள்ளவும்.

2. பின் ஒரு குக்கரில் துவரம் பருப்பை சேர்த்து அதனுடன் மஞ்சள் தூள், உப்பு சேர்த்து தேவையான அளவு தண்ணீர் விட்டு வேக வைத்து எடுத்துக் கொள்ளவும்.

3. ஒரு வாணலியை அடுப்பில் வைத்து எண்ணெய் ஊற்றாமல் கடலை பருப்பு, உளுந்து பருப்பு, மிளகு, தனியா, வர ‌மிளகாய், பெருங்காயம், தேங்காய் துருவல் சேர்த்து பொன்னிறமாக வறுத்துக் கொள்ளவும்.

4. இவை‌ நன்கு ஆறியதும் இதனை ஒரு மிக்ஸி ஜாரில் சேர்த்து சிறிதளவு தண்ணீர் விட்டு நன்கு அரைத்துக் கொள்ளவும்.

5. ஒரு கடாயை அடுப்பில் வைத்து வேக வைத்து வைத்துள்ள நிலக்கடலை, கொத்தவரங்காய் சேர்த்து அதனுடன் அரைத்து வைத்துள்ள மசாலாவை சேர்த்து, புளி கரைசல் சேர்த்து கலந்து தேவையான அளவு தண்ணீர் விட்டு மூடி போட்டு கொதிக்க விடவும்.

6. குழம்பு கொதித்ததும் வேகவைத்து வைத்துள்ள பருப்பை சேர்த்து தேவையான அளவு உப்பு சேர்த்து கொதிக்க விடவும்.

7. ஒரு தாளிப்பு கரண்டியை அடுப்பில் வைத்து எண்ணெய் ஊற்றி காய்ந்ததும் கடுகு, உளுந்து பருப்பு, கறிவேப்பிலை, வர‌ மிளகாய் சேர்த்து தாளித்து குழம்பில் சேர்க்கவும்.

8. பின் நறுக்கிய கொத்தமல்லி இலை தூவி பரிமாறவும். அவ்வளவுதான் மிகவும் சுவையான சத்தான நிலக்கடலை, கொத்தவரங்காய் குழம்பு தயார்.