சப்பாத்திக்கு சைடிஷாக காரசாரமாக ருசியான வெண்டைக்காய் சப்ஜி இப்படி ட்ரை பண்ணி பாருங்க!

Ingredients

• 1/4 கிலோ வெண்டைக்காய்
• 2 பெரிய வெங்காயம்
• 3 தக்காளி
• புளி (எலுமிச்சை பழ அளவு)
• 2 டேபிள் ஸ்பூன் மிளகாய்த் தூள்
• 1 டேபிள் ஸ்பூன் மல்லி தூள்
• 1/2 டேபிள் ஸ்பூன் சீரகத் தூள்
• 1/4 டேபிள் ஸ்பூன் கரம் மசாலா
• 1/4 கப் புளிக்காத தயிர் அல்லது பிரஷ் கிரீம்
• 1/2 டீஸ்பூன் கஸ்தூரி மேத்தி
• 2 டேபிள் ஸ்பூன் பட்டர்
• உப்பு (தேவையான அளவு)
• எண்ணெய் (தேவையான அளவு)

Method

1. முதலில் வெண்டைக்காயை நீள நீளமாக வெட்டி வைத்துக் கொள்ள வேண்டும். ஒரு கடாயில் எண்ணெய் ஊற்றி வெண்டைக்காயை அதில் போட்டு அதனுடைய வழவழப்பு தன்மை போகும் வரையில் நன்றாக வதக்கிக் கொள்ள வேண்டும்.

2. ஒரு கடாயில் எண்ணெய் ஊற்றி வெங்காயத்தை பொடி பொடியாக நறுக்கி அதில் சேர்த்து நன்றாக வதக்கவும். வெங்காயம் வதங்கியவுடன் தக்காளி சேர்த்து நன்றாக வதக்கவும்.

3. பிறகு அதனுடன் மிளகாய் தூள் மல்லித்தூள் சீரகத்தூள் மஞ்சள் தூள் கரம் மசாலா அனைத்தும் சேர்த்து நன்றாக வதக்கவும். இதனுடன் சிறிய எலுமிச்சை பழ அளவு புளியை கரைத்து சேர்த்துக் கொள்ளவும் 10 நிமிடங்கள் மசாலா வாசனை போகும் வரை நன்றாக வேக வைக்க வேண்டும்.

4. பிறகு வதக்கி வைத்துள்ள வெண்டைக்காயை சேர்த்து மறுபடியும் ஒரு பத்து நிமிடங்கள் வேக வைக்க வேண்டும். வெண்டைக்காய் நன்றாக வெந்தவுடன் பிரஸ் கிரீம் அல்லது புளிப்பில்லாத தயிர் சேர்த்து நன்றாக கிளறவும்.

5. அனைத்தும் சேர்த்து நன்றாக வெந்தவுடன் கஸ்தூரி மேதியை போட்டு இறக்கினால் சுவையான சப்பாத்திக்கு வைத்து சாப்பிடக்கூடிய வெண்டைக்காய் சப்ஜி தயார்.

6. இந்த வெண்டைக்காய் சப்ஜி தொக்கு பதத்தில் இருந்தால் தான் மிகவும் சுவையாக இருக்கும் எனவே அதிகமாக தண்ணீர் சேர்க்கக்கூடாது.