தித்திக்கும் சுவையில் ராகி அன்னாசிபழ பூரணம் கொழுக்கட்டை இப்படி ஒரு தரம் ட்ரை பண்ணி பாருங்க!

Ingredients

• 2 கப் ராகிமாவு
• 1 கப் அன்னாசி பழ துண்டுகள்
• 1 கப் நாட்டு சர்க்கரை
• 1 கப் தேங்காய் துருவல்
• 2 ஸ்பூன் நெய்

Method

1. முதலில் ராகி மாவை லேசாக வறுத்து எடுத்து ஆற வைத்து கொள்ளவும். சூடு வந்தால் மட்டும் போதுமானது.

2. பிறகு அடுப்பில் ஒரு பாத்திரத்தை வைத்து தண்ணீர் ஊற்றி உப்பு சேர்த்து தண்ணீரை கொதிக்க வைக்க வேண்டும்.

3. பிறகு வறுத்து எடுத்து வைத்துள்ள ராகி மாவில் வெந்நீரை சேர்த்து கலந்து விட வேண்டும். சூடாக இருக்கும் பொழுது கரண்டியால் கலந்து விட்டு பிறகு கை பொறுக்கும் அளவு சூடு வந்த பிறகு கையால் நன்றாக கொழுக்கட்டை மாவு பதத்திற்கு பிசைந்து எடுத்து வைத்து விட வேண்டும்.

4. பிறகு அடுப்பில் ஒரு கடாயை வைத்து நெய் சேர்த்து பொடியாக நறுக்கிய அன்னாசிப்பழ துண்டுகளை சேர்த்து லேசாக வதக்கி விட்டு அதில் நாட்டுச் சர்க்கரையை சேர்த்து நன்றாக கலந்து விட வேண்டும் .

5. கடாயில் உள்ள சூட்டிற்கு நாட்டுச்சர்க்கரை நன்றாக கரைந்து வரும். சுத்தமாக கரைந்து வந்த பிறகு கலந்து விட்டு அதில் ஒரு ஸ்பூன் நெய் துருவிய தேங்காய் சேர்த்து நன்றாக கலந்து எடுத்தால் கட்டியாகி சுருண்டு வரும் பொழுது அடுப்பை அணைத்து விட வேண்டும்.

6. பிறகு வாழை இலையை எடுத்து அதில் ராகி மாவை உருண்டைகளாக எடுத்து அழகாக வட்ட வடிவமாக கொழுக்கட்டைக்கு தட்ட வேண்டும்

7. பிறகு அன்னாசிப்பழ பூரணத்தை தட்டிய அந்த ராகி அடைக்குள் வைத்து வாழையிலேயே மடக்கி மூடி இட்லி பாத்திரத்தில் வைத்து வேக வைத்து எடுத்தால் சுவையான அன்னாசிப்பழ கொழுக்கட்டை தயார்.