- Prep
- 5 min
- Cook
- 10 min
- Serves
- 4
- Cuisine
- tamil nadu
- Course
- Kulambu
குழம்பு சாதம் இந்தியாவில் மக்கள் அன்றாடம் செய்து உண்ணும் உணவு முறை. குறிப்பாக தென்னிந்தியாவில் அனைவரது இல்லங்களிலும் வழக்கமாக குழம்பு சாதம் தான் செய்து உண்பார்கள். பல விதமான குழம்புகள் உண்டு.
அதில் சாம்பார், பருப்பு குழம்பு, கார குழம்பு, புளி குழம்பு, தக்காளி குழம்பு, வத்த குழம்பு, மற்றும் கத்திரிக்காய் குழம்பை மக்கள் வழக்கமாக செய்து சுவைப்பார்கள். அந்த வகையில் நாம் இன்று இங்கு காண இருப்பது ஒரு வித்தியாசமான கொண்டைக்கடலை குழம்பு. கொண்டைக்கடலை குழம்பின் ஸ்பெஷல் என்னவென்றால் வெறும் கொண்டைக்கடலை, வெங்காயம், மற்றும் தக்காளி இருந்தால் போதும் இதை நாம் வெகு எளிதாக எந்த ஒரு சிரமமுமின்றி வீட்டில் இருக்கும் பொருட்களை வைத்தே செய்து விடலாம்.
கொண்டைக்கடலையில் உடம்பிற்கு மிகவும் அவசியமான புரதசத்து நிறைந்திருப்பதால் இவை நம் உடம்பிற்கு மிகவும் நல்லது. அது மட்டுமின்றி நாம் வழக்கமாக செய்து உண்ணும் குழம்புகளுக்கு இவை ஒரு அருமையான மாற்றும் கூட. இப்பொழுது கொண்டைக்கடலை குழம்பு செய்வதற்கு தேவையான பொருட்கள் மற்றும் எளிமையான செய்முறை விளக்கத்தையும் காண்போம்
Ingredients
Method
முதலில் கொண்டைக்கடலையை இரவு நேரம் முழுவதும் ஊற வைக்கவும். பின்கடாயை அடுப்பில் வைத்து எண்ணெய் விட்டு காய்ந்ததும் அரைக்க கொடுத்துள்ள பொருட்களை சேர்த்து நன்கு வதக்கவும்.
அவை வதங்கியதும் ஆற விட்டு ஒருமிக்ஸியில் சேர்த்து நன்கு மைய அரைத்துக் கொள்ளவும். பின்னர் குக்கரை அடுப்பில் வைத்து எண்ணெய் ஊற்றி காய்ந்ததும் பிரிஞ்சி இலை, கிராம்பு, சோம்பு மற்றும் கறிவேப்பிலை சேர்த்து தாளிக்கவும்.
பின் நறுக்கிய வெங்காயம் சேர்த்து வதக்கவும். வெங்காயம் வதங்கியதும் நாம் ஊற வைத்த கொண்டைக்கடலைமற்றும் சிறிது உப்பு சேர்த்து கலந்து விடவும்.
2 நிமிடங்கள் கழித்து நாம் அரைத்து வைத்த விழுதை கொண்டைக்கடலையுடன் சேர்த்து கலந்து விட்டு அதனுடன் மிளகாய் தூள் மற்றும் மஞ்சள் தூள் சேர்த்து கட்டி இல்லாமல் கலந்து விடவும்.
பின் தேவையான அளவு தண்ணீர் விட்டு குக்கரை மூடி விடவும். அடுப்பை சிறு தீயில் வைத்து 4 விசில் வரை விட்டு அடுப்பை அணைத்து விடவும்.இறுதியாக கொத்தமல்லி தழை தூவி பரிமாறவும்.
சுவையான மற்றும் ஆரோக்கியமான கொண்டைக்கடலை குழம்பு தயார்.
