ருசியான கிராமத்து பிரண்டை ஊறுகாய் இப்படி செஞ்சி பாருங்க! மாங்காய் ஊறுகாய் போல சாப்பிட ருசியாக இருக்கும்!

Ingredients

• 1 கட்டு பிரண்டை
• 1/4 கப் சின்ன வெங்காயம்
• நல்லெண்ணெய் (தேவையான அளவு)
• உப்பு (தேவையான அளவு)
• 1 டீஸ்பூன் பெருங்காயத்தூள்
• 3 துண்டு புளி
• 2 கொத்து கறிவேப்பிலை
• 1 டீஸ்பூன் வெந்தயம்
• 2 டீஸ்பூன் கடுகு
• 2 வர ‌மிளகாய்
• 1/2 டீஸ்பூன் மஞ்சள் தூள்
• 1 டீஸ்பூன் காஷ்மீர் மிளகாய்த்தூள்
• 2 டேபிள் ஸ்பூன் நறுக்கிய பூண்டு

Method

1. முதலில் பிரண்டையை நன்கு சுத்தம் செய்து நறுக்கி வைத்துக் கொள்ளவும். வெங்காயம், பூண்டு ஆகியவற்றை நறுக்கி வைத்துக் கொள்ளவும்.

2. ஒரு கடாயை அடுப்பில் வைத்து சூடானதும் எண்ணெய் ஊற்றாமல் வெறும் கடாயில் கடுகு, வெந்தயத்தை சேர்த்து நன்கு வறுக்கவும்.

3. இவை ஆறியதும் இதனை ஒரு மிக்ஸி ஜாரில் சேர்த்து கொரகொரப்பாக பொடித்து வைத்துக் கொள்ளவும்.

4. பின் ஒரு வாணலியை அடுப்பில் வைத்து எண்ணெய் ஊற்றி காய்ந்ததும் வெங்காயம் சேர்த்து நன்கு கலந்து வதக்கவும்.

5. வெங்காயம் வதங்கியதும் புளி, பூண்டு சேர்த்து நன்கு வதக்கி தனியாக எடுத்துக் கொள்ளவும். பின் பிரண்டையை சேர்த்து நன்கு நிறம் மாற வதக்கி எடுத்துக் கொள்ளவும்.

6. இவை ஆறியதும் இதனை ஒரு மிக்ஸி ஜாரில் சேர்த்து நன்கு அரைத்து வைத்துக் கொள்ளவும்.

7. பின் அதே கடாயை அடுப்பில் வைத்து எண்ணெய் ஊற்றி காய்ந்ததும் கடுகு, மிளகாய், கருவேப்பிலை சேர்த்து தாளிக்கவும்.

8. பின் மஞ்சள் தூள், மிளகாய் தூள், உப்பு, பெருங்காயத்தூள், நாம் அரைத்து வைத்துள்ள கடுகு பொடி நன்கு வதக்கி நாம் அரைத்து வைத்துள்ள பிரண்டை விழுதை சேர்த்து நன்கு சுருள வதக்கி அடுப்பை அணைத்து விடவும்.

9. அவ்வளவுதான் சுவையான மற்றும் ஆரோக்கியமான கிராமத்து பிரண்டை ஊறுகாய் தயார்.