ருசியான வெஜிடபிள் ஒயிட் குருமா இப்படி செய்து பாருங்க! இதன் ருசியே தனி ருசி தான்!!

Ingredients

• 100 கி கேரட்
• 100 கி பீன்ஸ்
• 1 கப் பச்சை பட்டாணி
• 1/4 கப் தயிர்
• 1 டீஸ்பூன் இஞ்சி பூண்டு விழுது
• 1 டீஸ்பூன் வெள்ளை மிளகுத்தூள்
• 4 பச்சை மிளகாய்
• 1/4 கப் சின்ன வெங்காயம்
• கறிவேப்பிலை, கொத்தமல்லி (சிறிதளவு)
• உப்பு (தேவையான அளவு)
• எண்ணெய் (தேவையான அளவு)
• 2 பட்டை, கிராம்பு, ஏலக்காய்
• 1/4 கப் தேங்காய்
• 15 முந்திரி பருப்பு
• 1 டீஸ்பூன் சோம்பு
• 1 டீஸ்பூன் கசகசா

Method

1. முதலில் கேரட் மற்றும் பீன்ஸ் இரண்டையும் நன்கு அலசி விட்டு நறுக்கி வைத்துக் கொள்ளவும். வெங்காயத்தை விழுதாக அரைத்து வைத்துக் கொள்ளவும்.

2. பின் ஒரு மிக்ஸி ஜாரில் அரைக்க கொடுத்துள்ள பொருட்களை சேர்த்து சிறிதளவு தண்ணீர் விட்டு நன்கு மை போல் அரைத்து வைத்துக் கொள்ளவும்.

3. பின் ஒரு வாணலியை அடுப்பில் வைத்து எண்ணெய் விட்டு சூடானதும் பட்டை, கிராம்பு, ஏலக்காய் சேர்த்து வதக்கவும்.

4. பின் அரைத்து வைத்துள்ள வெங்காய விழுதை சேர்த்து நன்கு பச்சை வாசனை போக வதக்கவும்.

5. பின் நறுக்கிய பச்சைமிளகாய், இஞ்சி பூண்டு விழுது சேர்த்து பச்சை வாசனை போக நன்கு வதக்கவும்.

6. பின் நறுக்கிய கேரட், பீன்ஸ், பச்சை பட்டாணி, உப்பு சேர்த்து நன்கு கலந்து சிறிதளவு தண்ணீர் விட்டு மூடி வைத்து வேக விடவும்.

7. பின் அரைத்து வைத்துள்ள விழுதை சேர்த்து நன்கு கலந்து அதனுடன் வெள்ளை மிளகுத்தூள் சேர்த்து நன்கு கொதிக்க விடவும்.

8. பின் தயிர் சேர்த்து அதிக நேரம் கொதிக்க விடாமல் நுரைத்து பொங்கி வரும் போது கொத்தமல்லி தழை தூவி அடுப்பை அணைத்து விடவும்.

9. அவ்வளவுதான் சுவையான மற்றும் ஆரோக்கியமான வெஜிடபிள் வெள்ளை குருமா தயார். ஆப்பம், இடியாப்பம் ஆகியவற்றுடன் சேர்த்து சாப்பிட மிகவும் சுவையாக இருக்கும்.