சன்னா-பாலக் கிரேவி செய்வது இவ்வளவு ஈஸியா? சத்தான உணவை, சுவையாக செய்து கொடுத்தால் யாரும் வேண்டாம் என்று சொல்லவே மாட்டாங்க!

Ingredients

• 1/2 கப் கொண்டைக்கடலை
• 1 பாலக்
• 1/4 தேக்கரண்டி சீரகம்
• 1 வெங்காயம்
• 2 தக்காளி
• 1/2 தேக்கரண்டி இஞ்சி பூண்டு விழுது
• 1/2 தேக்கரண்டி மிளகாய் தூள்
• 1 தேக்கரண்டி தனியா தூள்
• 1/2 தேக்கரண்டி சீரக தூள்
• கசூரி மேத்தி (சிறிது)
• உப்பு (தேவைக்கேற்ப)
• எண்ணெய் (தேவைக்கேற்ப)

Method

1. பாலக் கீரையை ஆய்ந்து சுத்தம் செய்து கொள்ளவும். சன்னாவை 6-8 மணி நேரம் ஊற வைத்து, சிறிது உப்பு சேர்த்து வேக வைத்துக் கொள்ளவும்.

2. கீரையில் சிறிது தண்ணீர் ஊற்றி 2-3 நிமிடம் மைக்ரோவேவ் அவனில் வேக வைத்துக் கொள்ளவும். ஆறியதும் மிக்ஸியில் அரைத்துக் கொள்ளவும்.

3. ஒரு கடாயில் சிறிது எண்ணெய் ஊற்றி சீரகம் தாளித்து, நறுக்கிய வெங்காயம் போட்டு வதக்கவும். பின் இஞ்சி-பூண்டு விழுது சேர்த்து நன்கு வதக்கவும்,

4. பின்னர் அரைத்த தக்காளி விழுது சேர்த்து சுருள வதக்கவும்.தக்காளி வதங்கியதும் மிளகாய் தூள், தனியா தூள், சீரக தூள் சேர்த்து கிளறவும்.

5. இப்போது வேக வைத்துள்ள சன்னாவை சேர்த்து கிளறவும்.இதனுடன் சிறிது தண்ணீர் சேர்த்து மூடி வைக்கவும். உப்பு, காரம் சன்னாவில் இறங்கியதும் அரைத்து வைத்துள்ள கீரை விழுது சேர்த்து ஒரு கொதி விடவும். உப்பு,காரம் சரிப்பார்க்கவும்.

6. பின்னர் ககுரி மேத்தியை சேர்த்து அடுப்பை அணைத்து விடவும், சத்தான, சுவையான சன்னா-பாலக் கிரேவி தயார் பரிமாறும் போது சிறிது வெண்ணெய் சேர்த்து பரிமாறலாம். இது பூரி மற்றும் சப்பாத்திக்கு நல்வ காம்பினேஷன்.

7. விரும்பினால் கரம் மசாலா சேர்த்து கொள்ளலாம். பாலக் கீரையை அரைக்காமல், பொடியாக நறுக்கியும் சேர்க்கலாம், அப்படி செய்யும் போது, சிறிது சன்னாவை மிக்சியில் அரைத்து சேர்த் கிரேவி திக்காக வரும்.