இந்த வாரம் ஸ்பெஷலாக கிராமத்து ஸ்டைல் இறால் குழம்பு இப்படி ஒரு முறை ட்ரை பண்ணி பாருங்க!

Ingredients

• 1/2 கி இறால்
• 2 தக்காளி
• 1 டீஸ்பூன் இஞ்சி பூண்டு விழுது
• 2 பச்சை மிளகாய்
• 1 கொத்து கறிவேப்பில்லை
• 1 டீஸ்பூன் மஞ்சள் தூள்
• 2 டீஸ்பூன் மிளகாய்த்தூள்
• 2 டீஸ்பூன் மல்லி தூள்
• 1 கப் சின்ன வெங்காயம்
• புளி (எலுமிச்சை அளவு)
• எண்ணெய் (தேவையான அளவு)
• உப்பு (தேவையான அளவு)
• 100 கி கத்தரிக்காய்
• 10 சின்ன வெங்காயம்
• 4 டேபிள் ஸ்பூன் தேங்காய் துருவல்
• 1/2 துண்டு பட்டை
• 1/2 தக்காளி
• 1 டீஸ்பூன் மிளகு
• 1 டீஸ்பூன் சீரகம்

Method

1. முதலில் இறாலை நன்கு சுத்தம் செய்து எடுத்து வைத்துக் கொள்ளவும். வெங்காயம் மற்றும் கத்தரிக்காயை நறுக்கி வைத்துக் கொள்ளவும்.

2. பின்‌ ஒரு கடையை அடுப்பில் வைத்து எண்ணெய் ஊற்றி காய்ந்ததும் அரைக்க கொடுத்துள்ள பொருட்களை சேர்த்து வதக்கிக் கொள்ளவும். இவை ஆறியதும் இதனை ஒரு மிக்ஸி ஜாரில் சேர்த்து அரைத்து வைத்துக் கொள்ளவும்.

3. ஒரு பாத்திரத்தில் புளியை சேர்த்து தண்ணீர் ஊற்றி கரைத்து வைத்துக் கொள்ளவும். பின்பு அதனுடன் தக்காளி, பச்சை மிளகாய், மஞ்சள் தூள், மிளகாய் தூள், மல்லி தூள் சேர்த்து கரைத்து வைத்துக் கொள்ளவும்.

4. ஒரு மண் சட்டியை அடுப்பில் வைத்து எண்ணெய் ஊற்றி காய்ந்ததும் கறிவேப்பிலை, வெங்காயம், கத்தரிக்காய் சேர்த்து நன்கு வதக்கவும்.

5. அதன்பிறகு வெங்காயம் வதங்கியதும் கரைத்து வைத்துள்ள புளி, இஞ்சி பூண்டு விழுது, நாம் அரைத்து வைத்துள்ள விழுதை சேர்த்து தேவையான அளவு தண்ணீர் மற்றும் உப்பு சேர்த்து நன்கு கலந்து மூடி வைத்து கொதிக்க விடவும்.

6. குழம்பு நன்கு கொதித்து பச்சை வாசனை போனதும் இறாலை சேர்த்து மேலும் வேக விடவும்.

7. ஒரு தாளிப்பு கடாயில் எண்ணெய் ஊற்றி காய்ந்ததும் கடுகு, உளுந்தம்பருப்பு சேர்த்து தாளித்து குழம்பில் சேர்த்து கலந்து விடவும். அவ்வளவுதான் சுவையான கிராமத்து ஸ்டைல் இறால் குழம்பு தயார்.