ருசியான மதுரை மட்டன் கறி தோசை இப்படி செஞ்சி பாருங்க! அஹா இதன் ருசியே தனி!

Ingredients

• 200 கிராம் கொத்து கறி ( மட்டன் )
• 1 கப் தோசை மாவு
• 1 பெரிய வெங்காயம் (நறுக்கியது)
• 1 தக்காளி (நறுக்கியது)
• 3 முட்டை
• 1 /2 Tbsp இஞ்சி பூண்டு விழுது
• 1 Tbsp மிளகாய் தூள்
• 3/4 Tbsp மல்லி தூள்
• 1 Tbsp மிளகு தூள்
• 1/2 Tsp மஞ்சள் தூள்
• 1 /2 Tbsp சீரக தூள்
• 3 Tbsp எண்ணெய்
• 1 /2 Tsp கடுகு
• 1 /2 Tsp சோம்பு
• உப்பு (தேவையான அளவு)

Method

1. முதலில் கறியுடன் கால் தேக்கரண்டி மிளகாய் தூள், உப்பு சேர்த்து குக்கரில் 2 விசில் வரும் வரை வேக வைத்து கொள்ளவும். கறி நன்றாக பஞ்சாக வெந்திருக்க வேண்டும்.

2. வெங்காயம், தக்காளியை பொடியாக நறுக்கிக் கொள்ள வேண்டும்.முட்டையை அடித்து வைத்துக்கொள்ளவும்.

3. பின்பு கடாயில் எண்ணெய் ஊற்றி கடுகு, சோம்பு தாளிக்கவும். கடுகு நன்றாக பொரிந்தவுடன் வெங்காயத்தை சேர்த்து வதக்கவும்.

4. வெங்காயம் நன்றாக வதங்கியதும் இஞ்சி பூண்டு விழுது சேர்த்து பச்சை வாசனை நீங்கும் வரை நன்றாக வதக்கவும்.

5. பின்பு தக்காளியை போட்டு நன்றாக குழையும் வரை வதக்கவும். பின்பு மிளகு தூளை தவிர மற்ற அனைத்து தூள்களையும் சேர்த்து நன்றாக பிரட்டி விடவும்.

6. அதனுடன் வேக வைத்த கறியை தண்ணீரோடு சேர்த்து கொதிக்க விட்டு கெட்டியாக கூட்டு பதம் வந்ததும் இறக்கவும் (நீர்க்க இருக்க கூடாது).

7. பின்னர் அடுப்பை சிம்மில் வைத்து தோசைக்கல்லில் மாவை எடுத்து சிறிய ஊத்தப்பமாக ஊற்றவும்.

8. பின்னர் லேசாக வெந்ததும் ஒரு கரண்டி முட்டை ஊற்றவும். அதன் மேல் ஒரு கரண்டி கறியை வைத்து பரப்பி விடவும்.

9. பிறகு அதன் மேல் கால் தேக்கரண்டி மிளகு தூள் தூவிவிட்டு சுற்றி எண்ணெய் விட்டு திருப்பி போட்டு தோசையை அழுத்தி விடவும்.

10. பிறகு அதன் மேல் கால் தேக்கரண்டி மிளகு தூள் தூவிவிட்டு சுற்றி எண்ணெய் விட்டு திருப்பி போட்டு தோசையை அழுத்தி விடவும். ஒரு நிமிடம் கழித்து தோசையை எடுத்தால் சுவையான மதுரை கறி தோசை ரெடி.