ருசியான மாங்காய் சாதம் இப்படி செய்து பாருங்க!

செய்முறை:

• முதலில் மாங்காய் நன்கு கழுவி தோல் சீவி துருவிக்கொள்ளவும்.
• அடுத்து ஒரு கப் சத்தத்திற்கு ¾ கப் மாங்காய் துருவல் தேவைப்படும். புளிப்பு தன்மைக்குக்கேற்ப பயன்படுத்தவும்.
• வேகவைத்த சாதத்தை சிறிது நேரம் ஆற விடவும்.
• அடுப்பில் கடாயை வைத்து அதில் எண்ணெய் ஊற்றி எண்ணெய் காய்ந்ததும், கடுகு சேர்த்து வெடித்தவுடன், உளுத்தம்பருப்பு, கடலைப்பருப்பு சேர்த்து தாளிக்கவும்.
• கடலைப்பருப்பு பொன்னிறமானதும் கறிவேப்பிலை சேர்த்து அடுப்பை சிம்மில் வைத்து மிளகாய் தூள், மஞ்சள் தூள், பெருங்காயத்தூள், வெந்தயத்தூள், ½ டேபிள் ஸ்பூன் உப்பு சேர்த்து ஒரு நிமிடம் கிளறவும். சாதத்தில் உப்பு இருப்பதால் உங்களுக்கு தேவைக்கேற்ப போட்டுக்கொள்ளவும்.
• பிறகு துருவி வைத்துள்ள மாங்காய் துருவலலை எடுத்து பொடி வகைகளோடு சேர்த்து மாங்காய் முக்கால் பாகம் வேகும் வரை நன்கு கிளறவும். நாகு வெந்து விட்டால் குழைந்து விடும்.
• அடுத்து மாங்காய் துருவல் முக்கால் பாகம் வெந்தவுடன் அதில் ஆறவைத்திருக்கும் சாதத்தில் கலந்து எல்லா இடங்களிலும் படுமாறு ஒரு கரண்டியால் கிளறி விடவும்.
• இப்பொழுது ருசியான மாங்காய் சாதம் தயார்.