நாவில் எச்சி ஊறும் மரவள்ளிக்கிழங்கு மசால் வடை செய்வது எப்படி ?

Ingredients

• மரவள்ளிக்கிழங்கு (கால் கிலோ)
• 200 கிராம் ஊறவைத்த கடலைப்பருப்பு
• பச்சரிசி மாவு (ஒரு கைப்பிடி அளவு)
• இஞ்சி (ஒரு இன்ச் துண்டு {தோல் சீவவும்})
• 10 பல் பூண்டு
• 1 டேபிள் ஸ்பூன் சோம்பு
• பட்டை (சிறு துண்டு)
• 2 கிராம்பு
• 4 பச்சை மிளகாய்
• 4 காய்ந்த மிளகாய்
• புதினா (ஒரு கைப்பிடி அளவு)
• 100 கிராம் வெங்காயம் (நறுக்கியது)
• உப்பு (தேவையான அளவு)
• 500 மில்லி எண்ணெய்

Method

1. மரவள்ளிக்கிழங்கைத் தோல் சீவி துருவி எடுத்துக் கொள்ளவும். ஊறவைத்த பருப்புடன் இஞ்சி, பூண்டு, சோம்பு, பட்டை, கிராம்பு, பச்சைமிளகாய், காய்ந்தமிளகாய், மற்றும் தேவையான அளவு உப்பு சேர்த்து மிக்சியில் சேர்த்து கொரகொரப்பாக அரைத்துக் கொள்ளவும்.

2. பின்பு அதில் துருவிய மரவள்ளிக்கிழங்கு, நறுக்கிய வெங்காயம், புதினா, அரிசி மாவு சேர்த்துப் பிசையவும்.

3. பின்பு ஒரு வாணலியை அடுப்பில் வைத்து எண்ணெய் ஊற்றி எண்ணெய் காய்ந்ததும் மாவை சிறு சிறு வடைகளாக தட்டி எண்ணெயில் போட்டு பொரித்து எடுக்கவும்.

4. இப்பொழுது சுவையான மரவள்ளிக்கிழங்கு வடை தயார். இந்த வடையை தயிர் சாதத்துடன் சேர்த்து சாப்பிட்டால் அற்புதமாக இருக்கும்.