பேபி உருளைக்கிழங்கு வைத்து அசத்தல் சுவையில் பிரியாணி ஒரு முறை முயற்சி செய்து பாருங்கள்!!

Ingredients

• 1/4 கி பேபி உருளைக்கிழங்கு
• எண்ணெய் (தேவையான அளவு)
• 1 பிரியாணி இலை
• 1 பட்டை, கிராம்பு, ஏலக்காய்
• 1 கல் பாசி
• 3 பெரிய வெங்காயம்
• புதினா, கொத்தமல்லி (தேவையான அளவு)
• 3 தக்காளி
• 3 பச்சை மிளகாய்
• 2 டீஸ்பூன் இஞ்சி பூண்டு விழுது
• 1 1/2 டீஸ்பூன் பிரியாணி மசாலா
• 1 டீஸ்பூன் மிளகாய்த்தூள்
• 3 டேபிள் ஸ்பூன் தயிர்
• 1 கப் பாசுமதி அரிசி
• உப்பு (தேவையான அளவு)

Method

1. முதலில் உருளைக்கிழங்கை ஒரு குக்கரில் சேர்த்து இரண்டு விசில் விட்டு வேகவைத்து எடுத்து கொள்ளவும்.

2. பின் இதன் தோலை உரித்து விட்டு உப்பு, மஞ்சள் தூள், மிளகாய் தூள் சேர்த்து நன்கு கலந்து, ஒரு கடாயை அடுப்பில் வைத்து எண்ணெய் ஊற்றி காய்ந்ததும் இதனை சேர்த்து வறுத்து எடுத்துக் கொள்ளவும்.

3. ஒரு குக்கரை அடுப்பில் வைத்து எண்ணெய் ஊற்றி காய்ந்ததும் பட்டை, கிராம்பு, ஏலக்காய், பிரியாணி இலை, கல் பாசி சேர்த்து அதனுடன் வெங்காயம் சேர்த்து நன்கு வதக்கவும்.

4. வெங்காயம் வதங்கியதும் கொத்தமல்லி, புதினா, மிளகாய் தூள், பிரியாணி மசாலா சேர்த்து நன்கு வதக்கவும்.

5. அதன்பிறகு தக்காளி, பச்சை மிளகாய்‌, இஞ்சி பூண்டு விழுது சேர்த்து வதக்கவும். தக்காளி நன்கு வதங்கியதும் தயிர் சேர்த்து வதக்கவும். பின் தேவையான அளவு தண்ணீர் மற்றும் உப்பு சேர்த்து கொதிக்க விடவும்.

6. பின் ஒரு கொதி வந்ததும் ஊற வைத்துள்ள அரிசியை சேர்த்து அதனுடன் வறுத்து வைத்துள்ள உருளைக்கிழங்கை சேர்த்து குக்கரை மூடி இரண்டு விசில் விட்டு இறக்கவும். அவ்வளவுதான் சுவையான பேபி உருளைக்கிழங்கு பிரியாணி தயார். ‌