வேகவைத்த உணவுகள் அப்படின்னாலே அந்த உணவுகள் ரொம்பவே சத்தான உணவு. இவை ஆரோக்கியமான உணவுகள் அப்படிங்கிற பட்டியல்ல வந்துரும். அப்படி வேக வைத்த உணவுகள்ல உலகத்திலேயே முதல் இடம் பிடித்தது இட்லி. அதுக்கு அப்புறமா இடியாப்பம் ஆவியில் வேக வைப்பதால ரொம்பவே ஆரோக்கியமான ஒரு உணவா இருக்கு.
இடியாப்பம் அப்படிங்கிற உணவு உடல்நிலை சரியில்லாதவர்களுக்கு அதிகமாக பரிந்துரை செய்யபடுகிற உணவு. எல்லாரும் இந்த இடியாப்பம் தேங்காய் பால் காம்பினேஷனுக்கு விருப்பம் உள்ளவர்களாக தான் இருப்பாங்க. இடியாப்பத்தில் உடலுக்கு எந்த ஒரு தீங்கு விளைவிக்க கூடிய பொருளும் கிடையாது. அது முழுக்க முழுக்க உடலுக்கு ஆரோக்கியத்தை கொடுக்கக்கூடிய ஒரு உணவு.
இந்த இடியாப்பத்தில் லெமன் இடியாப்பம் செய்திருப்போம் . இடியாப்பம் தாளிச்சு சாப்பிட்டிருப்போம். சக்கரை போட்டு சாப்பிட்டு இருப்போம். இந்த மாதிரி எல்லா இடியாப்பமும் வெறும் அரிசி மாவுல மட்டுமே பண்ணி சாப்பிட்டு இருப்போம். ஆனால் நம்ம இப்ப பண்ணப்போற இடியாப்பம் வாழைப்பழ இடியாப்பம். வாழைப்பழம்னா நேந்திரம் பழத்துல இந்த இடியாப்பத்தை செய்து சாப்பிடு போறோம்.
இந்த வாழைப்பழ இடியாப்பம் ரொம்பவே சுவையாகவும் எல்லாருக்கும் பிடித்த மனதாகவும் இருக்கும். வாழைப்பழம் அப்படிங்கறது ரொம்பவே புடிச்ச ஒரு பழம். வாழைப்பழத்தையும் இடியாப்பத்தையும் எப்படி மிக்ஸ் பண்ணி வாழைப்பழ இடியாப்பம் செய்யலாம் எப்படின்னு இப்போ தெரிஞ்சுக்க போறோம். இந்த வாழைப்பழ இடியாப்பத்தை ரொம்பவே சுலபமாக சீக்கிரமாகவும் செய்யலாம். சரி வாங்க இந்த வாழைப்பழ இடியாப்பம் எப்படி செய்யலாம் அப்படின்னு பார்க்கலாம்.
வாழைப்பழ இடியாப்பம் | Banana Idiyappam Recipe In Tamil
Equipment
- 1 இட்லி பாத்திரம்
- 1 பெரிய பாத்திரம்
தேவையான பொருட்கள்
- 5 நேந்திரம் வாழைப்பழம்
- 1 கப் அரிசி மாவு
- 1 கப் தேங்காய் துருவல்
- 1 சிட்டிகை ஏலக்காய் தூள்
- உப்பு தேவையான அளவு
- கப் நாட்டுசக்கரை
செய்முறை
- முதலில் நேந்திரம் வாழைப்பழத்தை இட்லி பாத்திரத்தில் வைத்து வேக வைத்து எடுத்துக் கொள்ளவும்.
- வாழைப்பழம் வெந்த பிறகு தோலை உரித்து விட்டு வெறும் பழத்தை மட்டும் மசித்து எடுத்துக் கொள்ளவும். மசித்து எடுத்து வைத்துள்ள வாழைப்பழத்தில் அரிசி மாவு சேர்த்து பிசைந்து கொள்ளவும்.
- இடியாப்ப மாவு பதத்திற்கு வருவதற்காக சிறிதளவு தண்ணீர் சிறிதளவு எண்ணெய் சேர்த்து மாவை நன்றாக பிசைந்து எடுத்து வைத்துக் கொள்ளவும்.
- மாவை பிசைந்த பிறகு இட்லி பாத்திரத்தில் வேக வைப்பதற்கு தயார் செய்து வைத்து விட்டு இடியாப்ப உரலில் பிசைந்து வைத்துள்ள மாவை சேர்த்து இடியாப்பங்களாக பிழியவும்.
- அது இடியாப்பத்தின் மேல் துருவிய தேங்காய் பூவை தூவி இட்லி பாத்திரத்தில் வைத்து வேக வைக்கவும். வாழைப்பழ இடியாப்பங்கள் வெந்த பிறகு அவற்றை ஒரு பாத்திரத்திற்கு மாற்றி விடவும்.
- மாற்றிய இடியாப்பத்திற்கு நாட்டுச்சர்க்கரையை சைடிஸ்சாக வைத்து பரிமாறினால் சுவையான வாழைப்பழ இடியாப்பம் தயார்.
