இட்லி, தோசைக்கு ஏற்ற ருசியான கத்திரிக்காய் மாங்காய் தொக்கு இப்படி செய்து பாருங்க!

Ingredients

• 300 கிராம் கத்திரிக்காய் (நீளமாக நறுக்கியது)
• 1 மாங்காய் (சிறியது)
• 1 வெங்காயம் (நீளமாக நறுக்கியது)
• 4 பச்சை மிளகாய் (கீறியது)
• கறிவேப்பிலை (கொஞ்சம்)
• கொத்தமல்லி தலை (கொஞ்சம்)
• உப்பு (தேவையான அளவு)
• ¼ டீஸ்பூன் கடுகு
• ¼ டீஸ்பூன் உளுந்து
• 2 ஸ்பூன் எண்ணெய்

Method

1. முதலில் மாங்காயை தோல் நீக்கி துருவிக்கொள்ளவும்.

2. அடுத்து ஒரு கடாயில் எண்ணெய் ஊற்றி காய்ந்ததும், கடுகு, உளுந்து, கறிவேப்பிலை சேர்த்து தாளிக்கவும்.

3. அடுத்து அதில் நறுக்கிய வெங்காயம், பச்சை மிளகாய் சேர்த்து வதக்கவும். [ வெங்காயம் சிவக்க கூடாது.]

4. பிறகு அத்துடன் நறுக்கிய கத்திரிக்காய், தேவையான அளவு உப்பு சேர்த்து குறைவான தீயில் வதக்கவும். சிறிது நேரம் கழித்து கொஞ்சம் தண்ணீர் தெளித்து மூடி போட்டு வேக வைக்கவும்.

5. கத்திரிக்காய் வெந்ததும் துருவிய மாங்காய் சேர்த்து சிறிது நேரம் வதக்கி மாங்காய் வெந்ததும் அதில் கொத்தமல்லி தலை தூவி இறக்கவும்.