கீரை வாங்கினா ஒரு முறை இப்படி செஞ்சு சாப்பிட்டு பாருங்க. சைவ பிரியர்கள் மட்டுமல்ல இனி அசைவ பிரியர்கள் கூட இந்த கீரையின் சுவைக்கு அடிமை .கீரையில் எண்ணற்ற சத்துக்கள் இருப்பது அனைவருக்கும் தெரியும். பொதுவாக குழந்தைகள் கீரையில் விரும்பி சாப்பிடுவது கிடையாது. பெரியவர்கள் கூட சைவம் சாப்பிடுபவர்கள் கீரையை விரும்பி சாப்பிடுவார்கள். அசைவ பிரியர்களுக்கு பெரும்பாலும் கீரை என்றாலே ஏதோ சாப்பிடக் கூடாத பொருளை சாப்பிடுவது போல தான் முகத்தை சுழிப்பார்கள். இது போல ஒரு முறை கீரையில் மசியல் செய்து கொடுத்துப் பாருங்க எல்லோரும் கேட்டு வாங்கி சாப்பிடுவாங்க.
வெறும் கீரையை வைத்து மட்டும் இந்த மசியல் செய்யப் போகின்றோம். இதனுடன் பருப்பு வெங்காயம் தக்காளி எதுவுமே சேர்க்க போவது கிடையாது. கீரை வைத்து மட்டும் மைய கடைந்து விட்டால் போதும். சுவையான சத்து நிறைந்த பச்சை கீரை மசியல் தயார். ஆரம்பத்தில் சமைக்க பழகுபவர்களுக்கு இந்த குறிப்பு மிக மிக பயனுள்ளதாக இருக்கும். ஆரோக்கியம் தரக்கூடிய இந்த ரெசிபியை நிச்சயம் எல்லோரையும் ஒரு முறை ட்ரை பண்ணி பாக்கணும்.
கீரை மசியல் | Greens Masiyal Recipe In Tamil
Equipment
- 1 கடாய்
தேவையான பொருட்கள்
- 1 கட்டு கீரை (அரைக்கீரை/ சிறுகீரை / முளைக்கீரை ஒரு கட்டு)
- 5 மிளகாய் வற்றல்
- உப்பு தேவைக்கேற்ப
- 2 விரல் அளவு புளி
தாளிக்க
- கடுகு சிறுது
- சீரகம் சிறுது
- உளுந்து சிறுது
- கடலைப்பருப்பு சிறுது
- எண்ணெய் சிறுது
- கறிவேப்பிலை சிறுது
செய்முறை
- கீரையைச் சுத்தம் செய்து கால் கப் அளவு நீர் ஊற்றி உப்பு சேர்த்து மூடி போட்டு வேகவிடவும்.
- வெந்ததும் அதனுடன் புளியைச் சேர்த்து மேலும் 2 நிமிடங்கள் வேகவைத்து எடுத்து ஆறவிடவும்.
- பாத்திரத்தில் எண்ணெய் விட்டு காய்ந்ததும் கடுகு, சீரகம், உளுந்து, கடலைப்பருப்பு, மிளகாய் வற்றல் மற்றும் கறிவேப்பிலை சேர்த்து தாளிக்கவும்
- மிக்ஸியில் கீரையுடன் தாளித்தவற்றைச் சேர்த்து தேவையான நீர் விட்டு நைசாக அரைக்கவும்.
- சட்னி பதத்திலிருக்க வேண்டும். (உப்பு,புளி, காரம் சரிபார்த்துக் கொள்ளவும்). சுவையானகீரை மசியல் தயார்.