சுவையான கீரை சாதத்தை இவ்வாறு ஒரு முறை சமைத்துக் கொடுத்து பாருங்கள். வீட்டில் குழந்தைகள் முதல் பெரியவர்கள் வரை தட்டாமல் சாப்பிட்டு விடுவார்கள்.இப்பொழுதுள்ள குழந்தைகளாக இருந்தாலும் சரி பெரியவர்களாக இருந்தாலும் சரி வாய்க்கு ருசியாக உணவு வேண்டும் என்கிறார்களே தவிர, அது ஆரோக்கியமான உணவாக இருக்க வேண்டும் என்று எவரும் விரும்புவதில்லை. காலை, மதியம், இரவு என மூன்று வேளைகளும் விதவிதமாக சமைத்து சாப்பிட்டாலும் அதில் உடலுக்குத் தேவையான ஊட்டச்சத்து கிடைத்திருக்கிறதா என்று யோசித்துப் பார்த்தோமென்றால் அது கேள்விக்குறியாக தான் இருக்கிறது
இந்த கீரை சாதத்தை லஞ்ச்பாக்ஸிலும் நாம் கொடுத்துவிடலாம். தொட்டுக்கொள்ள ஒரு சிப்ஸ் அல்லது கிழங்கு வகைகளில் ஏதாவது இருந்தால் அட்டகாசமாக இருக்கும். இந்த ரெசிபியை பாஸ்மதி அரிசியில் தான் செய்ய வேண்டும் என்ற அவசியம் கிடையாது. உங்கள் வீட்டில் இருக்கும் சாதம் வடிக்கும் அரிசி, பச்சரிசி எதில் வேண்டுமென்றாலும் செய்யலாம். அதற்கேற்றவாறு தண்ணீரின் அளவுகளை மட்டும் மாற்றிக் கொள்ளுங்கள். உங்களது அரிசி எத்தனை விசில் வைத்தால் வேகமோ அத்தனை விசில் வைத்துக்கொள்ள வேண்டும். அவ்வளவு தான். உங்களுக்கு இந்த ரெசிபி பிடிச்சிருந்தா உங்க வீட்ல ட்ரை பண்ணி பாருங்க.
மணக்க மணக்க கலர்ஃபுல்லான கீரை சாதம் ரெசிபியை தான் இன்னைக்கு நாம தெரிஞ்சுக்க போறோம். குழந்தைகள் முதல் பெரியவர்கள் வரை கீரை என்றாலே அதை ஒதுக்கி வைக்க தான் பார்ப்பார்கள். ஆனால் கீரையில் இருக்கும் சத்து நம்முடைய உடல் ஆரோக்கியத்துக்கு மிக மிக அவசியமானது. நிறைய பேர் வீடுகளில் இன்று கீரையை சமைக்கும் பழக்கமே மறந்து போய்விட்டது என்று சொன்னாலும் அதில் ஆச்சரியப்படுவதற்கு இல்லை. கீரையை வைத்து ஒரு கீரை புலாவ் ரெசிபியை சீக்கிரமா தெரிஞ்சுக்கலாம் வாங்க.
கீரை சாதம் | Greens Rice Recipe In Tamil
Equipment
- 1 குக்கர்
தேவையான பொருட்கள்
- 1 கட்டு பாலக் கீரை
- 1 கப் பாஸ்மதி அரிசி
- 1 கேரட்
- 1 கைப்பிடி பச்சை பட்டாணி
- 1 ஸ்பூன் எண்ணெய்
- 1 ஸ்பூன் நெய்
- 1 பட்டை
- 1 அன்னாசிப்பூ
- 2 கிராம்பு
- 1 ஸ்பூன் சோம்பு
- 1 ஏலக்காய்
- 1 மராத்தி மொக்கு
- 2 பெரிய வெங்காயம்
- 3 பச்சை மிளகாய்
- 1 ஸ்பூன் இஞ்சி பூண்டு விழுது
- 1 ஸ்பூன் புதினா
- 1 ஸ்பூன் மல்லித்தழை
- உப்பு தேவையான அளவு
செய்முறை
- முதலில் இந்த ரெசிபியை செய்வதற்குபாலக் கீரையை நாம் பயன்படுத்திக் கொள்ளலாம். ஒரு கட்டு பாலக் கீரையை சுத்தம் செய்துகொஞ்சம் பெரிய பெரிய துண்டுகளாக வெட்டி தண்ணீரில் அலசி தண்ணீரை வடித்து தனியாக எடுத்து வைத்துக் கொள்ளுங்கள்
- இது அப்படியே இருக்கட்டும். (இதுதவிர சிறுகீரை,முளைக்கீரை களிலும் இந்த கீரை சாதத்தை ட்ரை பண்ணி பார்க்கலாம்.) 1 கப் அளவு பாஸ்மதிஅரிசியை தண்ணீரில் போட்டு, 20 நிமிடங்கள் ஊறவைத்து எடுத்து வைத்துக்கொள்ளுங்கள். இதுவும் அப்படியே இருக்கட்டும். பொடியாக நறுக்கியகேரட் – 1, பச்சை பட்டாணி – 1 கைப்பிடி அளவு, இந்த இரண்டு பொருட்களையும் எடுத்து தனியாகவைத்துக் கொள்ளுங்கள்.
- கேரட்டும் பச்சைபட்டாணி சேர்ப்பது என்பது அவரவர் விருப்பம்தான். தேவைப்பட்டால் சேர்த்துக் கொள்ளலாம். இல்லை என்றால் இதை தவிர்த்து கொள்ளலாம். இப்போது அடுப்பில் ஒரு குக்கரை வைத்துக் கொள்ளுங்கள்.அந்த குக்கரில் எண்ணெய் – 1 ஸ்பூன், நெய் – 1 ஸ்பூன், ஊற்றிக் கொள்ளவேண்டும். எண்ணெய்காய்ந்ததும் பட்டை – 1, அன்னாசிப்பூ – 1, கிராம்பு – 2, சோம்பு – 1 ஸ்பூன், ஏலக்காய்– 2, மராத்தி மொக்கு – 1, இந்த பொருட்களை சேர்த்து தாளித்துக் கொள்ள வேண்டும்.
- இந்த பொருட்கள் அனைத்தும் சிவநது வந்த உடன்,மீடியம் சைஸில் இருக்கும் – 1 பெரிய வெங்காயத்தை நீளவாக்கில் வெட்டி எண்ணெயில் சேர்த்துகண்ணாடி பதம் வரும் வரை வதக்கிக் கொள்ள வேண்டும். வெங்காயம் நன்றாக வதங்கியவுடன் பச்சை மிளகாய் – 3 குறுக்கே கீறி சேர்த்துக் கொள்ளவேண்டும். அதன் பின்பு இஞ்சி பூண்டு விழுது – 1 ஸ்பூன், சேர்த்து இஞ்சி பூண்டு விழுதுபச்சை வாடை போகும் வரை 2 நிமிடம் வதக்கி விடுங்கள்.
- அடுத்தபடியாக புதினா – 1 கைப்பிடி அளவு, மல்லித்தழை– 1 கைப்பிடி, அளவு சேர்த்து வதக்கி விட்டு ஊற வைத்திருக்கும் அரிசியை சேர்த்து, தயாராகஇருக்கும் கீரையையும் அரிசியோடு போட்டு, ஒரு முறை பக்குவமாகக் கலந்து விடவேண்டும்.அரிசியை உடைத்து விடாதீர்கள்.
- அடுத்து 1 கப்அளவு பாசுமதி அரிசிக்கு, 1 1/2 கப் அளவு தண்ணீர் நமக்கு சரியாக இருக்கும். தண்ணீரைகுக்கரில் ஊற்றி சாதத்திற்கு தேவையான அளவு உப்பை போட்டு, மீண்டும் ஒருமுறை நன்றாக கலந்துவிட்டு குக்கரை மூடி விசில் போட்டு அடுப்பை முழு தீயில் வைத்து, 2 விசில் வைத்தால்போதும். கமகம வாசத்தோடு கீரை சாதம் நமக்கு தயாராகி வந்திருக்கும்.
