ருசியான கத்திரிக்காய் சாம்பார் இப்படி செய்து பாருங்க! சுட சுட சோறுடன் ஊற்றி சாப்பிட அசத்தலாக இருக்கும்!

Ingredients

• 5 கத்திரிக்காய்
• 1 வெங்காயம்
• 3 ஸ்பூன் சாம்பார் பொடி
• 1 தக்காளி
• உப்பு (தேவையான அளவு)
• ½ டீஸ்பூன் கடுகு
• ½ டீஸ்பூன் வெந்தயம்
• ¼ கப் துவரம் பருப்பு
• புளி (எலுமிச்சை பழ அளவு)
• கருவேப்பிலை (ஒரு கொத்து)

Method

1. முதலில் கத்திரிக்காயை நீல வாக்கில் நறுக்கிக்கொள்ளவும். வெங்காயம், தக்காளி இரண்டையும் பொடியாக நறுக்கிக்கொள்ளவும்.

2. துவரம் பருப்பை நன்கு வேக வைத்துஎடுத்துக்கொள்ளவும். அடுத்து புளியில் 2 டம்ளர் தண்ணீர் ஊற்றி கரைத்துக்கொள்ளவும்.

3. ஒரு பாத்திரத்தை அடுப்பில் வைத்து எண்ணெய் ஊற்றி காய்ந்ததும், கடுகு சேர்த்து தாளித்து வெந்தயம், கருவேப்பிலை போட்டு 10 நொடி வதக்கவும்.

4. பிறகு நறுக்கிய வெங்காயம், போட்டு ஒரு நிமிடம் வதக்கவும். வெங்காயம் வதங்கியதும் நறுக்கிய தக்காளி சேர்த்து வதக்கவும்.

5. ஒரு நிமிடம் வதக்கிய பிறகு 2 கப் புளித்தண்ணீரை ஊற்றி அத்துடன் தேவையான அளவு உப்பு, சாம்பார் பொடி சேர்த்துன் கலக்கி விடவும்.

6. அதன் பிறகு கத்திரிக்காய் போட்டு 10 நிமிடம் வேக விடவும்.

7. கத்திரிக்காய் வெந்ததும் வேக வைத்த பருப்பை போட்டு 5 நிமிடம் கொதிக்க விடவும். பிறகு அடுப்பில் இருந்து இறக்கவும்.