மாலை நேரம் ஸ்நாக்ஸாக சாப்பிட ருசியான மேகி மஞ்சூரியன் இப்படி ஒரு தரம் வீட்டில் செய்து பாருங்கள்!

Ingredients

• 2 பாக்கெட் மேகி
• 1 கப் முட்டை கோஸ்
• 1 கப் கேரட்
• 1 கப் குடை மிளகாய்
• 1 ஸ்பூன் மிளகாய் தூள்
• 4 ஸ்பூன் சோள மாவு
• 1 ஸ்பூன் இஞ்சி பூண்டு விழுது
• 3 பல் பூண்டு
• 1 வெங்காயம்
• 1 ஸ்பூன் தக்காளி சாஸ்
• 1 ஸ்பூன் சில்லி சாஸ்
• 1 ஸ்பூன் சோயா சாஸ்
• 1 ஸ்பூன் வெள்ளை எள்
• உப்பு (தேவையான அளவு)
• எண்ணெய் (தேவையான அளவு)

Method

1. முதலில் கேரட் முட்டை கோஸ் இவற்றைபொடியாக நறுக்கி வைத்துக் கொள்ள வேண்டும் குடைமிளகாயில் பாதி துண்டுகளை மட்டும் சற்று பெரியவைகளாக நறுக்கி தனியாக எடுத்து வைத்துக்கொண்டு மீதியை பொடியாக நறுக்கி வைத்துக் கொள்ள வேண்டும் எடுத்துக் கொள்ள வேண்டும்.

2. பிறகு மேகியை எடுத்து பொடி பொடியாக கைகளால் உடைத்து வைத்துக் கொள்ள வேண்டும். பிறகு நறுக்கி வைத்துள்ளகாய்கறிகளில் மிளகாய் தூள், இஞ்சி பூண்டு விழுது சேர்த்து நன்றாக பிசறி ஒரு பத்து நிமிடம் மூடி வைக்கவும்.

3. பிறகு கலந்து வைத்துள்ள காய்கறி கலவையில் 3 1/2 ஸ்பூன் சோள மாவு, உடைத்து வைத்துள்ள மேகி சேர்த்து அதில் சிறிதளவு மிளகாய் தூள் உப்பு சேர்த்து நன்றாக கலந்து சிறு உருண்டைகளாக உருட்டி வைத்து கொள்ளவும்.

4. அடுப்பில் ஒரு கடாயை வைத்து எண்ணெய் ஊற்றி காய்ந்ததும் உருட்டி வைத்துள்ள மேகி உருண்டைகளை எண்ணெயில் போட்டு பொரித்தெடுக்கவும். அனைத்து மேகி உருண்டைகளையும் எண்ணெயில் போட்டு நன்றாக பொரித்து எடுத்து வைத்துக் கொள்ளவும்.

5. பிறகு ஒரு கடாயை அடுப்பில் வைத்து சிறிதளவு எண்ணெய் சேர்த்து பொடியாக நறுக்கிய பூண்டு பொடியாக நறுக்கிய வெங்காயம் பெரி துண்டுகளாக நறுக்கிய குடைமிளகாய் சேர்த்து வதக்கிக் கொள்ளவும்.

6. வெங்காயம் பூண்டு நன்றாக வதங்கிய பிறகு அதில் சோயா சாஸ், தக்காளி சாஸ், சில்லி சாஸ் சேர்த்து நன்றாக கலந்து விடவும்.

7. பிறகு ஒரு பவுலில் ஒரு ஸ்பூன் சோளமாக சேர்த்து அதில் நீர் விட்டு கட்டியில்லாமல் கலந்து கொள்ளவும். வாணலியில் கலந்து வைத்துள்ள சோளமாவு சேர்த்துக் கொள்ளவும்.

8. சோளமாவு சேர்த்ததால் திக்காகி வரும் அப்படி திக்கான பிறகு அதில் பொரித்து எடுத்து வைத்துள்ள மேகி உருண்டைகளை போட்டு நன்றாக கலந்து விட்ட வேண்டும்.மேகி உருண்டைகள் நன்றாக கலந்த பிறகு ஒரு ப்ளேட்டில் எடுத்து அதன் மேல் வெள்ளை எள் தூவி பரிமாறினால் சைனீஸ் ஸ்டைல் மேகி மஞ்சூரியன் தயார்.