ருசியான பாஞ்சாப் ஸ்பெஷல் மூலி  பூரி என்கிற முள்ளங்கி பூரி இப்படி ஒரு முறை வீட்டிலயே செஞ்சி பாருங்கள்!

Ingredients

• 1 கப் கோதுமை மாவு
• 1 முள்ளங்கி
• 1/2 ஸ்பூன் ஓமம்
• கஸ்தூரி மேத்தி (சிறிதளவு)
• உப்பு (தேவையான அளவு)
• எண்ணெய் (தேவையான அளவு)

Method

1. முதலில் முள்ளங்கி தோலை சீவி விட்டு கேரட் துருவதில் துருவி எடுத்து வைத்து கொள்ள வேண்டும்.

2. பிறகு கையால் முள்ளங்கி துருவலை அழுத்தினால் அதில் இருந்து சாறு வரும் முள்ளங்கி சாறையும் மீதமுள்ள முள்ளங்கியையும் தனி தனியாக வைத்து கொள்ள வேண்டும்.

3. பிறகு ஒரு பாத்திரத்தில் கோதுமை மாவை சேர்த்து அதில் உப்பு, ஒமம், கஸ்தூரி மேத்தி, சாறு பிழிந்த பின் உள்ள முள்ளங்கி துருவலை சேர்த்து பிசைந்துகொள்ளவும்.

4. பிறகு முள்ளங்கி சாறு சேர்த்து பிசையவும் தண்ணீர் தேவைப்பட்டால் சிறிதளவு சேர்த்து நன்றாக சப்பாத்தி மாவு பதத்திற்கு பிசைந்து கொள்ளவும். மாவை பிசைந்த பிறகு ஒரு ஸ்பூன் எண்ணெய் சேர்த்து நன்றாக பிசைந்து வைத்து விடவும்.

5. பிறகு பூரி சுடுவதற்காக அடுப்பில் ஒரு கடாயை வைத்து பொரிப்பதற்கு தேவையான அளவு எண்ணெய் ஊற்றி காய வைக்கவும்.

6. எண்ணெய் காய்வதற்குள் பிசைந்து வைத்துள்ள முள்ளங்கி பூரி மாவை சிறு சிறு உருண்டைகளாக உருட்டி பூரி இடும் கல்லில் வைத்து பூரிகளாக தேய்த்து எடுத்துக் கொள்ளவும்.

7. தேய்த்து எடுத்து வைத்துள்ள பூரிகளை காய்ந்து கொண்டிருக்கும் எண்ணெயில் சேர்த்து பொரித்து எடுத்தால் சுவையான ஆரோக்கியமிக்க மூலி பூரி என்கிற முள்ளங்கி பூரி தயார்.