வாழைக்காய் பொடி மாஸ் இப்படி செய்து கொடுத்தால் வாழைக்காய் வேண்டாம் என்று சொல்பவர்களும் தட்டாமல் வாங்கி சாப்பிடுவார்கள்!

Ingredients

• 3 வாழைக்காய்
• 3 வெங்காயம்
• 1 பச்சைமிளகாய்
• 4 காய்ந்தமிளகாய்
• 1 ஸ்பூன் சீரகம்
• 1 ஸ்பூன் மஞ்சள்தூள்
• 1 ஸ்பூன் தனியா விதைகள்
• 1 கப் தேங்காய் துருவல்
• 1 கொத்து கறிவேப்பிலை
• எண்ணெய் (தேவையான அளவு)
• உப்பு (தேவையான அளவு)

Method

1. முதலில் வாழைக்காய் தோலை நீக்கிவிட்டு கழுவி சிறு துண்டுகளாக நறுக்கி எடுத்துக் கொள்ளவும். நறுக்கிய வாழைக்காயை உப்பு , மஞ்சள்தூள் சேர்த்து வேக வைத்து எடுத்து தனியாக வைத்து விடவும்.

2. பிறகு அடுப்பில் ஒரு வாணலியை வைத்து தேவையான அளவிற்கு கொஞ்சம் கூடுதலாக எண்ணெய் சேர்த்து பொடியாக நறுக்கி வைத்துள்ள வெங்காயத்தை சேர்த்து பொன்னிறமாக வதக்கிக் கொள்ளவும்.

3. வெங்காயம் பொன்னிறமாக வதங்கிய பிறகு அதில் பொடியாக நறுக்கிய பச்சை மிளகாய் , கறிவேப்பிலை சேர்த்து வதக்கவும். பின் வேக வைத்து எடுத்துள்ள வாழைக்காயை மட்டும் சேர்த்து நன்றாக வதக்கிக் கொள்ளவும்.

4. வாழைக்காய் வதங்கி கொண்டிருக்கும் பொழுதே வேறு வாணலியை அடுப்பில் வைத்து எண்ணெய் சேர்க்காமல் காய்ந்த மிளகாய், சீரகம், தனியா விதைகளை சேர்த்து லேசாக வறுத்து எடுத்துக் கொள்ளவும்.

5. வறுத்தெடுத்துள்ள பொருட்கள் ஆறிய பிறகு அவைகளை ஒரு மிக்ஸி ஜாரில் சேர்த்து பொடித்து எடுத்துக் கொள்ளவும்.

6. வாழைக்காயில் பொடித்து வைத்துள்ள மிளகாய் , சீரக, தனியா பொடியை சேர்த்து நன்றாக கிளறி விடவும்.

7. பொடியை சேர்த்து நன்றாக வாழைக்காயுடன் கலந்த பிறகு அதில் தேங்காய் துருவலை சேர்த்து நன்றாக கலந்து விட்டு இறக்கினால் சுவையான வாழைக்காய் பொடிமாஸ் தயார்.