வாழைக்காய் என்றாலே எல்லோருக்கும் மிகவும் பிடிக்கும் ஒரு காய் வகையாகும். வாழைக்காய் பூண்டு ரோஸ்ட், உருளைக் கிழங்கு ரோஸ்ட் போலவே ரொம்ப ரொம்ப சுவையாக செய்யலாம். வாழைக்காய் சாப்பிட்டால் வாய்வு என்று சொல்லி அதனை பலரும் ஒதுக்கி வைத்து விடுவது உண்டு. எல்லா காய்கறியும் ஏதோ ஒரு சத்துக்களை தன்னுள்ளே அடக்கி வைத்திருக்கும். வாய்வை நீக்க பூண்டு சேர்த்து சமைக்க வேண்டும். எனவே வாழைக்காயில் இருக்கும் சத்துக்களை இழக்காமல் இப்படி செய்து பாருங்கள் கறி சாப்பிடுவது போல ரொம்ப ரொம்ப சுவையா இருக்கும்.
வாழைக்காயில் இருக்கும் நார் சத்துக்கள் செரிமானத்திற்கு மிகவும் உதவும் வகையில் இருக்கும். அடிக்கடி வாழைக்காயை உணவில் எடுத்துக் கொள்வதால் உடலில் இருக்கும் குளுக்கோஸ் உறிஞ்சப்படுவது தடுக்கப்படுகிறது. வாழைக்காயில் வைட்டமின், கால்சியம், மக்னீசியம் ஆகியவை நிறைந்திருப்பதால் நம் அன்றாட உணவில் அடிக்கடி வாழைக்காய் சேர்த்துக் கொள்வது நல்லது. வாழைக்காய் பிடிக்காதவர்களுக்கு கூட இந்த வகையில் வாழைக்காய் பூண்டு ரோஸ்ட் செய்து கொடுத்தால் ஒரு கொஞ்சம் கூட மிஞ்சாது. மிகவும் எளிதாக செய்யக் கூடிய இந்த வாழைக்காய் ரோஸ்ட் எப்படி செய்வது? என்பதை தெரிந்து கொள்ள தொடர்ந்து இந்த பதிவை நோக்கி பயணிப்போம்.
வாழைக்காய் பூண்டு ரோஸ்ட் | Raw Banana Garlic Roast
Equipment
- 1 கடாய்
தேவையான பொருட்கள்
- 1 வாழைக்காய்
- 5 பூண்டு
- 2 தேக்கரண்டி மிளகாய் தூள்
- 1/2 தேக்கரண்டி மஞ்சள் தூள்
- 1/2 தேக்கரண்டி பெருங்காயம்
- 1 வெங்காயம்
- மிளகு தூள் தேவைக்கு
- உப்பு தேவைக்கு
தாளிக்க
- எண்ணெய் சிறுது
- கடுகு சிறுது
- சீரகம் சிறுது
செய்முறை
- பூண்டுடன் பொடி வகைகள் மற்றும் உப்பு சேர்த்து சிறிது நீர் விட்டு அரைத்துக் கொள்ளவும்.
- வாழைக்காயை தோல் நீக்கி, சதுரமாக நறுக்கி வைக்கவும்.
- தாராளமாக எண்ணெய் விட்டு கடுகு, சீரகம் தாளித்து, நறுக்கிய வெங்காயத்தை வதக்கி, பின்பு வாழைக்காயை சேர்த்து வதக்கவும்.
- நன்கு வதங்கியதும் அரைத்து வைத்துள்ள பூண்டு கலவை சேர்த்து பிரட்டி நீர் விட்டு வேக விடவும்.
- நன்கு வெந்ததும், மேலும் எண்ணெய் விட்டு பிரட்டி எடுக்கவும். அடி பிடிக்காத அளவு கிளறிவிட்டு பரிமாறவும்.
