ருசியான தட்டு கடை சாம்பார் சாதம் இப்படி செய்து பாருங்க! இதன் ருசியே தனி ருசி தான்!

Ingredients

• 1½ கப் அரிசி
• ¾ கப் துவரம் பருப்பு
• 3 முருங்கைக்காய்
• 3 கத்திரிக்காய்
• சின்ன வெங்காயம் (சிறிதளவு)
• புளி (நெல்லிக்காய் அளவு)
• 2 தக்காளி
• மஞ்சள் தூள் (சிறிதளவு)
• உப்பு (தேவையான அளவு)
• எண்ணெய் (தேவையான அளவு)
• ¼ கப் கடலை பருப்பு
• ¼ கப் தனியா {மல்லி }
• 7 மிளகாய் வற்றல் (காரத்திற்கேற்ப)
• பெருங்காயம் (சிறிதளவு)
• ¼ கப் தேங்காய் துருவல் (கொப்பரையாக இருந்தால் நல்லாருக்கும்)
• கடுகு (சிறிதளவு)
• கடலை பருப்பு (சிறிதளவு)
• கறிவேப்பிலை (சிறிதளவு)
• கொத்தமல்லி, முந்திரி (அலங்கரிக்க)

Method

1. முதலில் வெங்காயத்தை தோள் உரித்து வைத்துக்கொள்ளவும். முருங்கைக்காய், கத்திரிக்காய், தக்காளி மூன்றையும் நறுக்கிக்கொள்ளவும்.

2. அரிசி, மற்றும் பருப்பை ஒன்றாக குக்கரில் சேர்த்து நன்கு குழைய வேகவைத்துக்கொள்ளவும்.

3. பிறகு வாணலில் சிறிது எண்ணெய் ஊற்றி, கடலை பருப்பு, மிளகாய் வற்றல், தனியா, மற்றும் பெருங்காயம் சேர்த்து வறுத்துக்கொள்ளவும்.

4. வறுத்த பொருட்கள் ஆறியதும் அதனை மிக்சியில் சேர்த்து பொடித்துக்கொள்ளவும்.

5. பிறகு வாணலில் மீதமுள்ள எண்ணெய் ஊற்றி, கடுகு, கடலை பருப்பு, கருவேப்பிலை, போட்டு தாளித்து வெங்காயம் சேர்த்து வதக்கி பிறகு நறுக்கிய முருங்கைக்காய், கத்திரிக்காய், தக்காளி சேர்த்து ஒரு நிமிடம் வதக்கவும். பிறகு புளியை கரைத்து ஊற்றி தேவையான அளவு உப்பு, மஞ்சள் தூள், சேர்த்து கலந்து கொதிக்க விடவும்.

6. காய்கறிகள் வெந்ததும், பொடித்து வைத்துள்ள பொடியை தூவி சிறிது நேரம் கொதிக்க வைக்கவும். பிறகு வேக வைத்த அரிசி, மற்றும் பருப்பை இதில் போட்டு நன்கு கிளறவும். நன்கு கலந்த பிறகு சிறிது நேரம் கழித்து அடுப்பை நிறுத்தவும்.

7. கடைசியாக நெய் மற்றும் வறுத்த முந்திரிப்பருப்பை சேர்த்து பரிமாறவும்.