அசைவ சுவையை மிஞ்சும் மீல் மேக்கர் பட்டாணி கிரேவி இப்படி செய்து பாருங்கள் தோசை, சப்பாத்திக்கு அருமையாக இருக்கும்!!!

Ingredients

• 1 கப் மீல் மேக்கர்
• 1 கப் பச்சை பட்டாணி
• 1 டீஸ்பூன் இஞ்சி பூண்டு விழுது
• 3 தக்காளி
• 2 பெரிய வெங்காயம்
• 2 பச்சை மிளகாய்
• 1/2 டீஸ்பூன் சீரகம்
• 1/4 டீஸ்பூன் பெருங்காயத்தூள்
• எண்ணெய் (தேவையான அளவு)
• உப்பு (தேவையான அளவு)
• 1/4 டீஸ்பூன் மஞ்சள் தூள்
• 1 டீஸ்பூன் தனியா தூள்
• 1 டீஸ்பூன் மிளகாய்த்தூள்
• 1/4 டீஸ்பூன் கரம் மசாலா தூள்
• கொத்தமல்லி தழை (சிறிதளவு)

Method

1. முதலில் ஒரு கடாயை அடுப்பில் வைத்து சிறிதளவு எண்ணெய் ஊற்றி காய்ந்ததும் மீல் மேக்கரை சேர்த்து சிறிது நிறம் மாறும் வரை வறுத்து தண்ணீர் சேர்த்து வேகவைத்து எடுத்துக் கொள்ளவும்.

2. பின் ஒரு மிக்ஸி ஜாரில் தக்காளியை நன்கு கழுவி விட்டு சேர்த்து நன்கு அரைத்து கொள்ளவும்.

3. பின் மற்றொரு கடாயை அடுப்பில் வைத்து எண்ணெய் ஊற்றி காய்ந்ததும் சீரகம் சேர்த்து தாளிக்கவும்.

4. பின் பச்சை மிளகாய், இஞ்சி பூண்டு விழுது, வெங்காயம் சேர்த்து நன்கு வதக்கவும். வெங்காயம் வதங்கியதும் பெருங்காயத்தூள், மஞ்சள் தூள், மிளகாய் தூள், தனியா தூள் சேர்த்து மிதமான தீயில் வதக்கவும்.

5. பின் அதனுடன் அரைத்து வைத்துள்ள தக்காளி விழுதை சேர்த்து எண்ணெய் பிரிந்து வரும் வரை வதக்கவும்.

6. பின் பச்சை பட்டாணி, கரம் மசாலா தூள், உப்பு சேர்த்து நன்கு கலந்து தேவையான அளவு தண்ணீர் விட்டு மூடி வைத்து 5 நிமிடங்கள் வேக விடவும்.

7. பட்டாணி நன்கு வெந்தவுடன் வேக வைத்துள்ள மீல் மேக்கரை மசாலாவில் சேர்த்து கலந்து மீண்டும் 5 நிமிடங்கள் வேக வைத்து கொத்தமல்லி தழை தூவி அடுப்பை அணைத்து விடவும்.

8. அவ்வளவுதான் சுவையான மீல் மேக்கர் பட்டாணி கிரேவி தயார். இது சப்பாத்தியுடன் சேர்த்து சாப்பிட மிகவும் அருமையாக இருக்கும்.