உடுப்பி ஸ்டைல் ருசியான பிஸிபேளாபாத் ரெசிபியை அவசியம் மிஸ் பண்ணாம இப்படி ஒரு தரம் செஞ்சி பாருங்க!

Ingredients

• 1 கப் கலந்த காய்கறிகள்
• 1/4 கப் புளி கரைசல்
• 1 கப் புழுங்கல் அரிசி
• 1/2 கப் துவரம் பருப்பு
• 1 டீஸ்பூன் மஞ்சள் தூள்
• 1/2 டீஸ்பூன் தனியா தூள்
• 1/2 டீஸ்பூன் மிளகாய்த்தூள்
• உப்பு (தேவையான அளவு)
• 1 துண்டு வெல்லம்
• 1/2 டீஸ்பூன் கடலை பருப்பு
• 1/2 டீஸ்பூன் சீரகம்
• 1/4 டீஸ்பூன் வெந்தயம்
• 10 வர ‌மிளகாய்
• 2 டேபிள் ஸ்பூன் தேங்காய் துருவல்
• 1 துண்டு பட்டை
• 1 டீஸ்பூன் கடுகு
• 3 வர ‌மிளகாய்
• 1/2 டீஸ்பூன் வெந்தயம்
• 1 கொத்து கறிவேப்பில்லை
• 2 டேபிள் ஸ்பூன் நறுக்கிய கொத்தமல்லி

Method

1. முதலில் காய்கறிகளை தண்ணீரில் சுத்தம் செய்து சற்று பெரியதாக நறுக்கி வைத்துக் கொள்ளவும்.

2. ஒரு கடாயை அடுப்பில் வைத்து நெய் விட்டு காய்ந்ததும் கடலை பருப்பு, சீரகம், வெந்தயம், மிளகாய், மிளகு, தனியா, தேங்காய் துருவல், பட்டை, கிராம்பு, ஆகியவற்றை சேர்த்து வறுத்து எடுத்துக் கொள்ளவும்.

3. இவை நன்கு ஆறினதும் இதனை‌ ஒரு மிக்ஸி ஜாரில் சேர்த்து கொரகொரப்பாக பொடித்து வைத்துக் கொள்ளவும்.

4. பின் அரிசி மற்றும் பருப்பை நன்கு அலசி குக்கரில் சேர்த்து தேவையான அளவு தண்ணீர் விட்டு, மஞ்சள் தூள், உப்பு சேர்த்து நன்கு குழைய வேக வைத்துக் கொள்ளவும்.

5. ஒரு கடாயை அடுப்பில் வைத்து நெய் விட்டு சூடானதும் கடுகு, மிளகாய், வெந்தயம் சேர்த்து தாளிக்கவும்.

6. பின் வெங்காயம், கறிவேப்பிலை, உப்பு சேர்த்து நன்கு வதக்கவும். வெங்காயம் வதங்கியதும் உருளை, கேரட், குடமிளகாய், தக்காளி, கோஸ் சேர்த்து வதக்கவும்.

7. அதன்பிறகு மஞ்சள் தூள், மிளகாய் தூள், தனியா தூள் சேர்த்து நன்கு வதக்கவும். பின் நாம் அரைத்து வைத்துள்ள மசாலாவை சேர்த்து நன்கு கலந்து காய்கறிகள் வெந்ததும் புளிக்கரைசல் மற்றும் வெல்லம் சேர்த்து கொதிக்க விடவும்.

8. பின் வேகவைத்த சாதத்தை சேர்த்து நன்கு கலந்து ஒன்று சேர வேகவிடவும். பிறகு அடுப்பை அணைத்து விட்டு கொத்தமல்லி தழை மற்றும் நெய் விட்டு கலந்து விடவும்.

9. அவ்வளவுதான் வித்தியாசமான, சுவையான, உடுப்பி ஸ்டைல் பிஸிபேளாபாத் தயார். இதற்கு சேர்த்து சாப்பிட பொரித்த அப்பளம், சிப்ஸ் சரியாக இருக்கும்.