ஆரோக்கியத்தை அள்ளித்தரும் வாழைப்பூ பக்கோடா குழம்பு இப்படி செய்து பாருங்கள்!!

Ingredients

• 2 கப் வாழைப்பூ
• 150 கி கடலை பருப்பு
• 2 டீஸ்பூன் சோம்பு
• 2 பட்டை
• 5 வர மிளகாய்
• 10 பல் பூண்டு
• 2 பெரிய வெங்காயம்
• 1 தக்காளி
• 1/4 கப் புளி
• 1 1/2 டீஸ்பூன் மிளகாய்த்தூள்
• 2 டீஸ்பூன் மல்லி தூள்
• 1/2 டீஸ்பூன் மஞ்சள் தூள்
• 1/4 கப் தேங்காய் துருவல்
• எண்ணெய் (தேவையான அளவு)
• உப்பு (தேவையான அளவு)
• 1 கொத்து கறிவேப்பிலை

Method

1. முதலில் வாழைப்பூவை சுத்தம் செய்து தண்ணீரில் போட்டு வைத்துக் கொள்ளவும். கடலைப்பருப்பை அரை மணி நேரம் ஊற வைத்துக் கொள்ளவும்.

2. ஒரு மிக்ஸி ஜாரில் கடலைப்பருப்பு, சோம்பு, வர மிளகாய், உப்பு, வாழைப்பூ சேர்த்து கொர கொரப்பாக அரைத்துக் கொள்ளவும்.

3. இதனை ஒரு பவுளுக்கு மாற்றி அதனுடன் நீளமாக நறுக்கிய வெங்காயம், பூண்டு, உப்பு சரிபார்த்து பிசைந்து வைத்துக் கொள்ளவும்.

4. பின் புளியை நன்கு கரைத்து அதனுடன் மிளகாய் தூள், மல்லி தூள், மஞ்சள் தூள், உப்பு சேர்த்து நன்கு கலந்து வைத்துக் கொள்ளவும்.‌

5. ஒரு வாணலியை அடுப்பில் வைத்து எண்ணெய் ஊற்றி காய்ந்ததும் வாழைப்பூ கலவையை சிறு சிறு உருண்டைகளாக உருட்டி எண்ணெயில் போட்டு பொன்னிறமாக பொரித்து எடுத்துக் கொள்ளவும்.

6. பின் மற்றொரு வாணலியை அடுப்பில் வைத்து எண்ணெய் ஊற்றி காய்ந்ததும் பட்டை, அன்னாசி பூ, சோம்பு, கறிவேப்பிலை சேர்த்து தாளிக்கவும். பின் வெங்காயம் சேர்த்து நன்கு வதக்கவும்.

7. வெங்காயம் வதங்கியதும் தக்காளி சேர்த்து நன்கு வதக்கவும். பின் கரைத்து வைத்துள்ள புளிக்கரைசலை சேர்த்து மூடி வைத்து கொதிக்க விடவும்.

8. குழம்பு நன்கு கொதித்ததும் பொரித்து வைத்துள்ள பக்கோடா துண்டுகளை சேர்த்து ஒரு கொதி விடவும். பின் குழம்பு லேசாக கெட்டியானதும் அரைத்து வைத்துள்ள தேங்காய் விழுது சேர்த்து ஒரு கொதி விடவும்.

9. பின் வாழைப்பூ பக்கோடா குழம்பில் ஒன்று சேர்ந்து குழம்பு கெட்டியானதும் அடுப்பை அணைத்து விடவும். அவ்வளவுதான் சுவையான மற்றும் ஆரோக்கியமான வாழைப்பூ பக்கோடா குழம்பு தயார்.