வாழைப்பூ வாங்கினால் ஒரு முறை இப்படி உருண்டை குழம்பு செய்து பாருங்கள் சுட சுட சாதத்துடன் சேர்த்து சாப்பிட மிகவும் சுவையாக இருக்கும்!!!

Ingredients

• 1 டீஸ்பூன் சோம்பு
• 2 கப் வாழைப்பூ
• 4 வர மிளகாய்
• 2 டேபிள் ஸ்பூன் பொட்டுக்கடலை
• 1 துண்டு பட்டை
• 4 கிராம்பு
• 3 பெரிய வெங்காயம்
• 3 தக்காளி
• 2 கொத்து கறிவேப்பிலை
• 1 டீஸ்பூன் இஞ்சி பூண்டு விழுது
• 1/2 டீஸ்பூன் மஞ்சள் தூள்
• 1 1/2 டீஸ்பூன் மிளகாய்த்தூள்
• 1 டீஸ்பூன் மல்லி தூள்
• 1/2 டீஸ்பூன் கரம் மசாலா தூள்
• 1 முருங்கைக்காய்
• 1/4 கப் தேங்காய்
• உப்பு (தேவையான அளவு)
• எண்ணெய் (தேவையான அளவு)

Method

1. முதலில் வாழைப்பூவை சுத்தம் செய்து விட்டு தண்ணீரில் அலசி விட்டு நறுக்கி எடுத்துக் கொள்ளவும்.

2. ஒரு மிக்ஸி ஜாரில் தேங்காய் மற்றும் சோம்பு சேர்த்து நன்கு அரைத்து வைத்துக் கொள்ளவும்.

3. ஒரு மிக்ஸி ஜாரில் வர மிளகாய், சோம்பு, பொட்டுக்கடலை சேர்த்து அரைத்துக் கொள்ளவும். பின் நறுக்கிய வாழைப்பூவை சேர்த்து கொரகொரப்பாக அரைத்து கொள்ளவும்.

4. பின் ஒரு பவுளில் மஞ்சள் தூள், உப்பு, பொடியாக நறுக்கிய வெங்காயம், அரைத்துக் வைத்துள்ள வாழைப்பூ சேர்த்து நன்றாக பிசைந்து உருண்டைகளாக உருட்டிக் கொள்ளவும்.

5. பின் ஒரு வாணலியை அடுப்பில் வைத்து எண்ணெய் ஊற்றி காய்ந்ததும் வாழைப்பூ உருண்டைகளை எண்ணையில் போட்டு பொரித்து எடுத்துக் கொள்ளவும். ‌

6. ஒரு கடாயை அடுப்பில் வைத்து எண்ணெய் ஊற்றி சூடானதும் சோம்பு, பட்டை, இலவங்கம், கருவேப்பிலை சேர்த்து தாளிக்கவும். பின் வெங்காயம், உப்பு சேர்த்து நன்கு வதக்கவும்.

7. வெங்காயம் வதங்கியதும் இஞ்சி பூண்டு விழுது சேர்த்து வதக்கவும். பின் தக்காளி சேர்த்து நன்றாக மசியும் வரை வதக்கவும்.

8. பின் முருங்கைக்காய், மஞ்சள் தூள், மிளகாய் தூள், மல்லித்தூள், கரம் மசாலா சேர்த்து வதக்கி தேவையான அளவு தண்ணீர் விட்டு கொதிக்க விடவும்.

9. பின் தேங்காய் விழுது சேர்த்து ஒரு நிமிடம் கொதித்ததும் அதனுடன் வறுத்து வைத்துள்ள கோலா உருண்டை சேர்த்து ஒரு கொதி விட்டு கொத்தமல்லி தூவி இறக்கவும். அவ்வளவுதான் சுவையான மற்றும் ஆரோக்கியமான வாழைப்பூ கோலா உருண்டை குழம்பு தயார்.