- Prep
- 10 min
- Cook
- 10 min
- Total
- 20 min
- Serves
- 4
- Cuisine
- Indian, TAMIL
- Course
- LUNCH
மதிய வேளையில் சிம்பிளாக சமையலை முடிக்க நினைக்கிறீர்களா? அதுவும்குழந்தைகள் விரும்பி சாப்பிடும் வகையிலான ஒரு சமையலை செய்ய நினைக்கிறீர்களா? அப்படியானால் உருளைக்கிழங்கு மற்றும் காலிஃப்ளவர் வைத்து ஒரு ரெசிபி செய்யுங்கள். அதுவும் வழக்கமாக செய்வது போன்று வறுவல், பொரியல் என்று செய்யாமல் வித்தியாசமாக ஒன் பாட் ஆலு கோபி புலாவ் செய்யுங்கள். குறிப்பாக உருளைக்கிழங்கு மற்றும் காலிஃப்ளவரைக் கொண்டு புலாவ் செய்யும் போது, அந்த ரெசிபி ருசியாக இருப்பதோடு, சத்தானதாகவும் குழந்தைகளுக்கு மிகவும் பிடித்ததாகவும் இருக்கும்.
ஒரே ஒருமுறை இந்த புலாவ் செய்து கொடுங்கள், நிச்சயம் அடிக்கடி செய்து கொடுக்க சொல்லி கேட்பார்கள் அந்த அளவுக்கு ருசியாக இருக்கும். உங்கள் குழந்தைகளோட லஞ்ச் பாக்ஸ்க்கு ஒவ்வொரு நாளும் வித்தியாசமா கலவை சாதம் மாதிரி ஏதாவது செஞ்சி கொடுக்கனும் நினைத்தால் இந்த புலாவ் செய்து கொடுத்து விடுங்கள். குழந்தைகளும் டிபன் பாக்ஸை காலி பண்ணிட்டு தான் வீட்டுக்கு கொண்டு வருவாங்க அந்த அளவுக்கு ஒரு சூப்பர் டேஸ்டான ரெசிபி.
உங்கள் குழந்தைகளின் லஞ்ச் பாக்ஸ்க்கு கொடுத்துட்டு நீங்களும் சாப்பிட்டு பாருங்க உங்களுக்கும் ரொம்ப ரொம்ப பிடிக்கும். எப்பவும் குழந்தைகளுக்கு ஒரே மாதிரியா தக்காளி சாதம், தயிர் சாதம், லெமன் சாதம், புளி சாதம் போன்றவை செய்து கொடுப்போம். ஆனால் இதையே சாப்பிட்டு வந்தால் போர் அடித்து விடும் அல்லவா. அதனால் அவ்வப்போது சற்று வித்தியாசமாக அவர்களுக்கு ஏதேனும் செய்து கொடுக்கலாம் அதற்கு இது தான் சரியான ரெசிபி. இப்போது சுவையான ஆலு கோபி புலாவ் எப்படி செய்வதென்று பார்ப்போம்.
இதனையும் படியுங்கள் : ஒன் பாட் பால்க் வெஜிடபிள் புலாவ்
Ingredients
Method
முதலில் ஒரு கடாயை அடுப்பில் வைத்து எண்ணெய் ஊற்றி காய்ந்ததும் சற்று பெரிய துண்டுகளாக நறுக்கிய காலிஃப்ளவர் மற்றும் உருளைக்கிழங்கு சேர்த்து வறுத்து எடுத்துக் கொள்ளவும்.
பின் ஒரு கடாயை அடுப்பில் வைத்து அரைக்க கொடுத்துள்ள பொருட்களை சேர்த்து வறுத்து மிக்ஸியில் சேர்த்து நன்கு அரைத்து எடுத்துக் கொள்ளவும்.
ஒரு குக்கரை அடுப்பில் வைத்து நெய் சேர்த்து காய்ந்ததும் சீரகம், பச்சை மிளகாய் சேர்த்து அதனுடன் ஊற வைத்து பாசுமதி அரிசியை சேர்த்து தேவையான அளவு உப்பு மற்றும் தண்ணீர் விட்டு கலந்து விடவும்.
பின் நாம் அரைத்து வைத்துள்ள மசாலாவை சேர்த்து குக்கரை மூடி இரண்டு விசில் விட்டு இறக்கவும். பின் குக்கரை திறந்து வறுத்து வைத்துள்ள காலிஃப்ளவர், உருளைக்கிழங்கு, கொத்தமல்லி மற்றும் நெய் சேர்த்து கலந்து பரிமாறவும். அவ்வளவுதான் சுவையான ஆலு கோபி புலாவ் தயார்.
