மதிய உணவுக்கு ஏற்ற கொத்தவரங்காய் பொரியல் ஒருமுறை இப்படி செய்து பாருங்கள்!

கொத்தவரங்காய் கொடியில் காய்க்கக்கூடிய காய் என்று பலர் நினைத்து இருப்பார்கள் ஆனால் கொத்தவரங்காய் ஒரு குத்துச் செடியில் காய்க்கக்கூடிய காய்.  இந்த காயில் அதிக அளவு நார்சத்தும் கால்சியமும் இருக்கிறது. இந்த கொத்தவரங்காயை சீனி அவரைக்காய் என்றும் அழைப்பார்கள். ஆஸ்துமாவை குணப்படுத்துவதற்கு ஆற்றல் கொத்தவரங்காயில் இருக்கிறது. கொத்தவரங்காய் ஒரு வலி நிவாரணையாகவும் இருக்கிறது. கர்ப்பிணி பெண்களுக்கு சத்தான உணவு கொடுக்க வேண்டியது முக்கியம் அப்படி கொத்தவரங்காய் எடுத்துக் கொள்ளும்போது அது கருவில் உள்ள குழந்தைக்கும் நன்கு  ஊட்டச்சத்தை கொடுக்கிறது.

உடலில் உள்ள நரம்புகளை வலுப்படுத்துவதற்கு கொத்தவரங்காய் உதவுகிறது. ஒழுங்காக ஜீரணமாகாவிட்டால் மலச்சிக்கல் பிரச்சனை ஏற்படும். கொத்தவரங்காயை சமைத்து சாப்பிடும் பொழுது கொத்தவரங்காயில் உள்ள நார்ச்சத்து ஜீரண சக்தியை தூண்டுகிறது அதனால் மலச்சிக்கல் பிரச்சனை சரியாகிவிடும். கொத்தவரங்காய் அடிக்கடி உணவில் சேர்த்துக்கொண்டால் மாரடைப்பு தடுக்கப்படுகிறது  என்கிறார்கள் காரணம் கொத்தவரங்காய் இதயத்திற்கு நல்ல பலத்தை கொடுக்கிறது. வாரத்திற்கு இருமுறை கொத்தவரங்காய் உணவில் சேர்த்துக் கொள்வதால் அதில் உள்ள கால்சியம் சத்து நமக்கு கிடைக்கிறது. இது எலும்பிற்கு நல்ல பலத்தை கொடுக்கிறது. ரத்தசோகை உள்ளவர்கள் அடிக்கடி இதை உணவில் சேர்த்து கொண்டால் பலன் கிடைக்கும். காரணம் இது உடம்பில் உள்ள ரத்த சுரப்பை அதிகரிக்கிறது. ஆகையால் ரத்த சோகை குறைகிறது. மேலும் கொத்தவரங்காய் அடிக்கடி சாப்பிடுவதால் முகத்தில் உள்ள கரும்புள்ளிகள் மற்றும் பருக்களும் குறைவதற்கு உதவுகிறது.

குழந்தை பிறந்த பிறகு பெண்களுக்கு ஏற்படும் உடல்நல பிரச்சனைகளுக்கும் தீர்வாக இருக்க கொத்தவரங்காய் பயன்படுகிறது. கொத்தவரங்காய் வலி நிவாரணியாகவும், ஒவ்வாமை நீக்கியாகவும், கிருமிநாசினியாகவும் , நீரிழிவு நோயை குறைப்பதற்கு பயன்படுத்தப்படுகிறது. இத்தனை  சத்துக்கள் நிறைந்த கொத்தவரங்காயில் பொரியல் செய்து சாப்பிட போறோம். கொத்தவரங்காய் பொரியல் என்றால் சிறிது மிளகாய் தூள் சேர்த்து அனைவரும் செய்வார்கள் ஆனால் அப்படி இல்லாமல் காரத்திற்கு வெறும் காய்ந்த மிளகாயை மட்டுமே கிள்ளி போட்டு கொத்தவரங்காய் பொரியல் செய்து சாப்பிட இருக்கிறோம். சுவையான கொத்தவரங்காய் பொரியல் எப்படி செய்யலாம் என்று தெரிந்து கொள்ளலாம்.