மதிய உணவாக செய்ய ஏற்ற சுவையான கொத்தமல்லி புலாவ் எப்படி செய்வது ?

Ingredients

• 1 கப் கொத்தமல்லித்தழை
• 2 கப் பாசுமதி அரிசி
• ½ கப் தேங்காய் பால்
• 1 டேபிள் ஸ்பூன் தயிர்
• 2 பெரிய வெங்காயம்
• இஞ்சி (சிறிய துண்டு)
• 4 பல் பூண்டு
• 1 டேபிள் ஸ்பூன் எலுமிச்சை சாறு
• 1 தலா லவங்கம், ஏலக்காய்
• பட்டை (ஒரு துண்டு)
• எண்ணெய் (தேவையான அளவு)
• உப்பு (தேவையான அளவு)
• நெய் (தேவையான அளவு)

Method

1. முதலில் கொத்தமல்லித்தழையை நன்கு கழுவிக் கொள்ளவும்.

2. அடுத்து பெரியவெங்காயத்தை நீளமாக மெல்லியதாக நறுக்கவும்.

3. இஞ்சி, பூண்டு, பச்சை மிளகாய் மற்றும் கொத்தமல்லிதழை ஆகியவற்றை மிக்சியில் சேர்த்து நன்கு விழுதாக அரைத்துக்கொள்ளவும்.

4. பிறகு குக்கரில் எண்ணெய், நெய் விட்டு காய்ந்ததும், பட்டை, லவங்கம், ஏலக்காய், சேர்த்து தாளித்து நறுக்கிய வெங்காயம், தேவையான அளவு உப்பு சேர்த்து நன்கு வதக்கவும்.

5. பின்னர், அரைத்த கொத்தமல்லி விழுது, தயிர், எலுமிச்சை சாறு, தேங்காய் பால், ஆகியவற்றை சேர்த்துக் கிளறி, இரண்டரை கப் தண்ணீர் சேர்த்துக் கொதிக்கவிடவும்.

6. நன்றாக கொதித்ததும், கழுவிய அரிசியை சேர்த்துக் கிளறி குக்கரை மூடவும்.

7. ஆவி வந்ததும், வெயிட் போட்டு அடுப்பை சிம்மில் வைத்து 10 நிமிடம் கழித்து இறக்கவும். இப்பொழுது சுவையான கொத்தமல்லிதழை புலாவ் தயார்.