தினமும் காலை உணவாக இட்லி, தோசை, பொங்கல், பூரி என்று செய்து சாப்பிட்டு அலுத்து விட்டதா? கொஞ்சம் வித்தியாசமாக வீட்டில் இருக்கும் பொருட்களை வைத்து சுவையான அதே நேரத்தில் மிக எளிமையான ரெசிபியை செய்ய வேண்டுமா? அப்படியானால் இந்த பதிவு உங்களுக்கு தான். பொதுவாக பலரும் காலை உணவு சாப்பிடுவதே இல்லை. அத்தகையவர்களுக்கு எளிதான முறையிலும், ஆரோக்கியமான வகையிலும் பன்னீர் வைத்து ஈஸியான முறையில் ஒரு ரெசிபியை எப்படி செய்வதென்று பார்ப்போம். இன்றைய காலத்தில் உடல் எடை குறைப்பவர்கள் காலை உணவாக பெரும்பாலும் ஓட்ஸ் கஞ்சி, சாலட் தான் சாப்பிடுவார்கள். ஆனால் இதனையே சாப்பிட வேண்டிய வந்தால் சலிப்புத்தட்டி போகும். ஆனால் இனிமேல் வாரத்திற்கு ஒரு முறை பன்னீர் வைத்து பன்னீர் அடை சுலபமான முறையில் செய்து பாருங்கள் அருமையாக இருக்கும். உங்கள் வீட்டில் உள்ள அனைவரும் இந்த பன்னீர் அடையை விரும்பி சாப்பிடுவார்கள்.
முதலில் ஒரு பவுளில் பன்னீர், அரிசி மாவு, வெங்காயம், தக்காளி, பச்சை மிளகாய், கறிவேப்பிலை, மஞ்சள் தூள், மிளகாய்த்தூள், கரம் மசாலா தூள், மிளகு தூள், உப்பு சேர்த்து நன்கு பிசைந்து கொள்ளவும்.
பின் இதனை அடையாக தட்டி தோசைக்கல்லில் போட்டு சுற்றி எண்ணெய் ஊற்றி இரண்டு பக்கமும் வேகவைத்து எடுக்கவும். அவ்வளவுதான் சுவையான பன்னீர் அடை தயார்.
