நூடுல்ஸ் போல பாஸ்தாவும் ரிலாக்ஸ் டைமில் இப்போது அதிக அளவு பயன்படுத்தப்படுகிறது. மிக விரைவாக இது செய்யப்படுவதால் சீக்கிரமாக செய்யப்படும் ஒரு உணவு வகையாக பாஸ்தா இருக்கிறது. நூடுல்ஸ், பாஸ்தா போன்ற அயல் நாட்டு உணவுகளுக்கு சிறுவர்கள் முதல் பெரியவர்கள் வரை ஏராளமான ரசிகர்கள் இருக்கலாம். என்ன தான் குழந்தைகள் இவற்றை விரும்பி சாப்பிட்டாலும், இது போன்ற உணவுகளை குழந்தைகளுக்கு அடிக்கடி சமைத்து கொடுக்க மனம் வராது.
ஆரோக்கியமற்ற உணவுகளை கொடுக்கிறோமே என்ற குற்ற உணர்வு எல்லா தாய்மார்களுக்கும் இருக்கும். இது போன்ற உணவுகளையும் ஆரோக்கியமாக மாற்றலாம். எப்படி என்று யோசிக்கிறீர்களா? மைதாவால் செய்யப்பட்ட பாஸ்தாவுக்கு பதிலாக கோதுமை அல்லது சிறுதானியங்களை கொண்டு தயாரிக்கப்பட்ட பாஸ்தாவை பயன்படுத்தலாம். மேலும் இதனுடன் காய்கறிகளை அதிகம் சேர்த்துக் கொடுக்கும் பொழுது அது ஊட்டச்சத்து நிறைந்த உணவாகவும் மாறிவிடும். அதுவும் நம் வீட்டுச் சமையலறையில் உள்ள சில பொருட்களைக் கொண்டே நல்ல அற்புதமான ருசியில் மசாலா கோதுமை பாஸ்தாவை செய்யலாம். பாஸ்தாவை காலை உணவாக மட்டுமின்றி, இரவு உணவாகவும் சாப்பிலாம்.
கோதுமை பாஸ்தா | Wheat Pasta Recipe In Tamil
Equipment
- 1 கடாய்
தேவையான பொருட்கள்
- 1 கப் கோதுமை மாவு
- 1 கப் மிளகாய்த் தூள்
- 3/4 ஸ்பூன் மல்லித் தூள்
- 1 ஸ்பூன் தக்காளி சாஸ்
- எண்ணெய் தேவையான அளவு
- உப்பு தேவையான அளவு
- 1/2 ஸ்பூன் கரம் மசாலா
- 1/2 ஸ்பூன் மஞ்சள் தூள்
- 1 வெங்காயம்
- 1 தக்காளி
- 1 ஸ்பூன் இஞ்சி பூண்டு விழுது
செய்முறை
- முதலில் ஒரு சிறிய பவுளில் கரம்மசாலா, மஞ்சள்தூள், மிளகாய்த்தூள், மல்லித்தூள், தக்காளி சாஸ், உப்பு ஆகியவற்றை சேர்த்து கலந்து கொள்ளவும்.
- ஒரு பாத்திரத்தில் கோதுமை மாவு, உப்பு மற்றும் சிறிதளவு எண்ணெய் விட்டு சப்பாத்திக்கு மாவு பிசைவது போல் தண்ணீர் சிறிதளவு விட்டு பிசைந்து கொள்ளவும்.
- சப்பாத்தி மாவை எடுத்து இரண்டு பகுதிகளாக பிரித்து ஒன்றை சப்பாத்தி தேய்ப்பது போல் தடிமனாக தேய்த்துக் கொள்ளவும்.
- பின்பு சதுரமாக வெட்டிக் கொள்ளவும். முன் பகுதியும் பின் பகுதியையும் இணைத்து பாஸ்தா போல் செய்து கொள்ளவும்.
- ஒரு கடாயில் தேவையான அளவு தண்ணீர் ஊற்றி சிறிதளவு மஞ்சள் தூள் மற்றும் ஒரு ஸ்பூன் எண்ணெய் விட்டு கோதுமை பாஸ்தாவை அதில் ஒன்று ஒன்றாக சேர்த்து வேக வைத்துக் கொள்ளவும்.
- நன்றாக வெந்தவுடன் தண்ணீர் வடித்து எடுத்து ஆற வைத்துக் கொள்ளவும்.
- பின் மற்றொரு கடாயை அடுப்பில் வைத்து காய்ந்ததும் எண்ணெய் விட்டு காய்ந்ததும் வெங்காயம், இஞ்சி பூண்டு விழுது, தக்காளி ஆகியவற்றை சேர்த்து நன்றாக வதக்கிக் கொள்ளவும்.
- பின்பு நாம் கலந்து வைத்த மசாலாவை சேர்த்துசிறிதளவு தண்ணீர் ஊற்றி மசால்வடை போகும் வரை நன்றாக கிளறிக் கொள்ளவும்.
- மசால் வடை போனவுடன் தயார் பண்ண பாஸ்தாவை அதில் சேர்த்து நன்றாக கிளறிக் கொள்ளவும். இரண்டு நிமிடம் அப்படியே விட்டு வேக விடவும்.
- அவ்வளவுதான் சுவையான கோதுமை பாஸ்தா தயார்.
