குக் வித் கோமாளி புகழ் பூஜாவின் ஆப்கானி பன்னீர் இப்படி செஞ்சு பாருங்க!!

Ingredients

• 200 கி பன்னீர்
• 1 கப் தயிர்
• 2 டீஸ்பூன் மஞ்சள் தூள்
• 2 டீஸ்பூன் கரம் மசாலா தூள்
• 2 டீஸ்பூன் மிளகாய்த்தூள்
• 3 பெரிய வெங்காயம்
• 6 முந்திரி பருப்பு
• 6 பல் பூண்டு
• 1 துண்டு இஞ்சி
• 1 கைப்பிடி கொத்தமல்லி
• 1 டீஸ்பூன் மிளகு
• உப்பு (தேவையான அளவு)
• எண்ணெய் (தேவையான அளவு)

Method

1. பன்னீரை நீளவாக்கில் நறுக்கி அதில் உப்பு மிளகாய் தூள் மஞ்சள் தூள் கரம் மசாலா இஞ்சி பூண்டு விழுது அனைத்தும் ஒரு டீஸ்பூன் அளவிற்கு சேர்த்து அரை மணி நேரம் ஊற வைத்து கொள்ளவும்.

2. ஒரு கடாயில் எண்ணெய் சேர்த்த கலந்து வைத்துள்ள பன்னீரை சேர்த்து இரண்டு பக்கமும் பொன்னிறமாக பொரித்து எடுத்துக் கொள்ளவும்.

3. அதே எண்ணெயில் நறுக்கிய பெரிய வெங்காயம் இஞ்சி பூண்டு கொத்தமல்லி இலைகள் மிளகு, முந்திரி அனைத்தையும் சேர்த்து நன்றாக வதக்கி ஆறவைத்த அரைத்துக் கொள்ளவும்.

4. பிறகு அதனுடன் மிளகாய் தூள் கரம் மசாலா மஞ்சள் தூள் சிறிதளவு உப்பு சேர்த்து அரைத்துக் கொள்ளவும்.

5. கடாயில் எண்ணெய் சேர்த்து அரைத்து வைத்த விழுதை சேர்த்து அதனுடன் தயிர் சேர்த்து நன்றாக கலந்து 10 நிமிடம் கொதிக்க வைத்த பிறகு பொறித்து வைத்துள்ள பன்னீரை சேர்த்து இறக்கினால் சுவையான ஆப்கானி பன்னீர் தயார்.