- Prep
- 15 min
- Cook
- 15 min
- Total
- 30 min
- Serves
- 4
- Cuisine
- Indian
- Course
- LUNCH
பிரபலமான உணவுப்பொருட்களில் ஒன்றாக ‘பிரியாணி’ இன்று உருவெடுத்துள்ளது என்றால் நிச்சயம் மிகையாகது. தற்போது பிரியாணி கடைகளை நோக்கி எல்லா நாட்களிலும் வாடிக்கையாளர்கள் படையெடுத்து வரும் நிலையில், நகரத்தின் மூலை முடுக்கெல்லாம் பிரியாணி கடைகள் தோன்றி வருகின்றன. பொதுவாக பிரியாணி என்றாலே அதற்கு தனி மவுசு தான். அனைவருக்கும் தெரிந்தது போலவே சிக்கன் மற்றும் மட்டன், காளான் பிரியாணி தான் பிரியாணிகளில் பெரும்பாலானோரால் விரும்பி உண்ணப் படுகிறது. தமிழ்நாட்டிலும் பலவிதமான பிரியாணிகள் கிடைக்கும் உதாரணமாக செட்டிநாடு பிரியாணி, ஆம்பூர் பிரியாணி மற்றும் திண்டுக்கல் தலப்பாகட்டி பிரியாணி ஆகியவை மிக மிக புகழ்பெற்றது. ஒவ்வொரு பிரியாணியும் ஒவ்வொரு வகையில் வேறுபட்ட சுவையுடன் இருக்கும். ஆனால் ஆம்பூர் பிரியாணிக்கு என்று ஒரு தனி கூட்டம் இருக்கத்தான் செய்கிறது. அவர்களுக்காக இந்த ஆம்பூர் காளான் பிரியாணி ரெசிபி.
காளானில் கலோரிகள் மற்றும் கொழுப்பு குறைவாக உள்ளன, அதோடு கூட அவை நிறைந்த அளவு நார்ச்சத்துக்களையும் கொண்டுள்ளன. புரதங்கள், வைட்டமின் C, B மற்றும் D, தாமிரம், பொட்டாசியம், பாஸ்பரஸ், செலினியம், பைட்டோ கெமிக்கல்கள் மற்றும் ஆக்ஸிஜனேற்றிகள் போன்ற பிற ஊட்டச்சத்துக்களும் காளான்களில் நிரம்பியுள்ளன. இத்தகைய நன்மைகளைப் பெற வேண்டுமானால், இதனை உணவில் அதிகம் சேர்த்துக் கொள்ள வேண்டும். ஒரு சுவையான சமையலை மதியம் சாப்பிட விரும்புகிறீர்கள் என்றால் இந்த ஆம்பூர் காளான் பிரியாணியை செய்து சாப்பிடுங்கள். இந்த ஆம்பூர் காளான் பிரியாணி செய்வது மிகவும் சுலபம். வீட்டில் காய்கறிகள் இல்லாத சமயத்தில் இந்த பிரியாணியை செய்து சாப்பிடலாம். முக்கியமாக இது பேச்சுலர்களுக்கான ரெசிபி என்றே கூறலாம். வாருங்கள் இந்த ஆம்பூர் காளான் பிரியாணியை எப்படி செய்வதென்று பார்க்கலாம்.
இதனையும் படியுங்கள் : காரசாரமான ருசியில் காளான் மிளகு பிரட்டல் இப்படி ஒரு தரம் ட்ரை பண்ணி பாருங்கள்!
Ingredients
Method
முதலில் காளான், வெங்காயம், தக்காளி ஆகியவற்றை நறுக்கி வைத்துக் கொள்ளவும்.
பின் காய்ந்த மிளகாயை சுடு தண்ணீர் ஊற்றி, அரை மணி நேரம் ஊற வைத்து பின் மிக்ஸியில் சேர்த்து நன்கு அரைத்துக் கொள்ளவும்.
ஒரு குக்கரை அடுப்பில் வைத்து எண்ணெய் மற்றும் நெய் ஊற்றி காய்ந்ததும் அதில் பட்டை, கிராம்பு, ஏலக்காய், பிரியாணி இலை சேர்த்து தாளிக்கவும்.
பின் வெங்காயம், பச்சை மிளகாய் சேர்த்து நன்கு வதக்கவும். வெங்காயம் வதங்கியதும் இஞ்சி பூண்டு விழுது சேர்த்து நன்கு வதக்கவும்.
பின் தக்காளி, உப்பு சேர்த்து நன்கு மசித்து வதக்கி கொள்ளவும். பின் கொத்தமல்லி, புதினா, மஞ்சள் தூள் சேர்த்து வதக்கி தயிர் சேர்த்து நன்கு கலந்து விடவும்.
அதன்பிறகு நாம் அரைத்து வைத்துள்ள மிளகாய் விழுது சேர்த்து நன்கு கலந்து காளானை சேர்த்து கலந்து விடவும்.
பின் ஊற வைத்த அரிசி மற்றும் அதற்கு தேவையான அளவு உப்பு மற்றும் தண்ணீர் விட்டு கொத்தமல்லி, புதினா சேர்த்து குக்கரை மூடி 3 விசில் விட்டு இறக்கவும். அவ்வளவுதான் சுவையான ஆம்பூர் காளான் பிரியாணி தயார்.
