கீர் ஒரு சுவையான வட இந்திய ரெசிபி ஆகும். கீரில் பல வகைகள் உள்ளன. பாதாம் கீர், கேரட் கீர், பன்னீர் கீர் என்று சொல்லிக் கொண்டே செல்லலாம். இன்று நாம் பார்க்க இருப்பது ஆப்பிள் கீர். ஆப்பிள் சத்தான உணவு என்பது நாம் அனைவரும் அறிந்த ஒன்றே. ஆப்பிள் கீர் பொதுவாக விரதங்களின் போது தயாரிக்கப்படுகிறது.
ஆனால் இது பண்டிகைகளின் போது அல்லது இனிப்பு சாப்பிடும் போது கூட செய்யலாம். ஏலக்காயின் நறுமணத்தையும், ஆப்பிளின் இனிப்புச் சுவையையும் வெளிப்படுத்துவதால், இந்த கீர் உங்களுக்கு மட்டுமல்ல, உங்கள் முழு குடும்பத்திற்கும் மிகவும் பிடிக்கும். ஆப்பிள்களில் கார்போஹைட்ரேட் நிறைந்துள்ளது. இது நம்முடைய குழந்தைகளுக்கு தேவையான ஆற்றலை வழங்குகிறது. அதுமட்டுமல்லாமல், இதனில் வைட்டமின் C மற்றும் நார்ச்சத்தும் நிறைந்துள்ளது.
பொதுவாக குழந்தைகளை பற்றி நாம் சொல்ல வேண்டுமெனில், அவர்களுக்கு பால் சாப்பிட பிடிக்காது. ஆப்பிள் போன்ற பழங்களை சாப்பிடவும் பிடிப்பதில்லை. இது போன்ற சூழலில், நாம் பாலையும், பழங்களையும் வேறு சில சுவாரஸ்யமான வழிகளில் கொடுக்க முயல்வது சிறந்தது. அதற்கு தான் இந்த இனிப்பான, ஆரோக்கியமான ஆப்பிள் கீர். இதனை எப்படி செய்வது என்பதனைப் பற்றி இந்த பதிவில் பார்க்கலாம்.
ஆப்பிள் கீர் | Apple Kheer Recipe In Tamil
Equipment
- 1 பெரிய பவுள்
தேவையான பொருட்கள்
- 1 பெரிய ஆப்பிள்
- 1/2 லிட்டர் பால்
- 5 டேபிள் ஸ்பூன் சர்க்கரை
- 10 முந்திரி
- 3 ஏலக்காய்
- 2 டேபிள் ஸ்பூன் நெய்
செய்முறை
- முதலில் ஒரு அடி கனமான பாத்திரத்தில் பாலை ஊற்றி தண்ணீர் விடாமல் காய்ச்சி கொள்ளவும்.
- பால் அடர்த்தியாக மிதமான மஞ்சள் வண்ணம் வரும் வரை காய்ச்சவும். பிறகு சர்க்கரை, ஏலக்காய் பொடி சேர்த்து நன்கு கலக்கி, அடுப்பில் இருந்து இறக்கி ஆற விடவும்.
- பின்னர் ஆப்பிளை தோல் நீக்கி துருவிக் கொள்ளவும். ஒருவாணலியில் நெய் விட்டு முந்திரி, ஏலக்காயை வறுத்து எடுத்துக் கொள்ளவும்.
- பின்னர் அதே வாணலியில் சிறிதளவு நெய் விட்டு துருவிய ஆப்பிள் சேர்த்து நன்கு வதக்கவும். நீர் வற்றி ஒட்டாமல் சுருண்டு வரும் வரை நன்கு வதக்கி ஆறவிடவும்.
- ஆப்பிள் மற்றும் பால் ஆறியவுடன் ஆப்பிளை பாலில் கலந்து, நெய்யில் வறுத்த முந்திரியை மேலே தூவி, குளிர்சாதன பெட்டியில் அரைமணி நேரம் குளிர வைத்து எடுத்து பரிமாறவும்.
- அவ்வளவுதான் மிகவும் சுவையான ஆப்பிள் கீர் ரெடி.
