சிம்பிளான முந்திரி சாதம் மதிய உணவிற்கு இப்படி ஒரு முறை செய்து பாருங்கள்!!

Ingredients

• 1 கப் பாசுமதி அரிசி
• 2 பட்டை, கிராம்பு, ஏலக்காய்
• 1 அன்னாசி பூ
• 1 பிரியாணி இலை
• 1 டீஸ்பூன் சீரகம்
• நெய் (தேவையான அளவு)
• புதினா, கொத்தமல்லி (சிறிதளவு)
• எண்ணெய் (தேவையான அளவு)
• 1 கப் முந்திரி பருப்பு
• 2 டீஸ்பூன் இஞ்சி பூண்டு விழுது
• 2 டீஸ்பூன் பச்சை மிளகாய் விழுது
• 1 கப் காய்ச்சிய பால்
• 1 பெரிய வெங்காயம்

Method

1. முதலில் ஒரு அடிகனமான பாத்திரத்தை அடுப்பில் வைத்து தண்ணீர் ஊற்றி நன்கு கொதிக்க விடவும்.

2. தண்ணீர் நன்கு கொதித்ததும் அதில் அரிசி, உப்பு, பட்டை, கிராம்பு, ஏலக்காய், அன்னாசி பூ, பிரியாணி இலை, சீரகம், நெய், கொத்தமல்லி, புதினா சேர்த்து முக்கால் பாகம் வேகவைத்து தண்ணீர் வடித்து எடுத்துக் கொள்ளவும்.

3. பின் ஒரு கடாயை அடுப்பில் வைத்து நெய் ஊற்றி சூடானதும் முந்திரி பருப்பை பொன்னிறமாக வறுத்து எடுத்துக் கொள்ளவும். அதே நெய்யில் நறுக்கிய வெங்காயத்தை வறுத்து எடுத்துக் கொள்ளவும்.

4. பின் அதே கடாயில் சிறிதளவு எண்ணெய் விட்டு காய்ந்ததும் இஞ்சி பூண்டு விழுது, பச்சை மிளகாய் விழுது சேர்த்து பச்சை வாசனை போக வதக்கவும். பின் பால் சேர்த்து நன்கு சுண்ட காய்ச்சி எடுத்துக் கொள்ளவும்.

5. அதன்பிறகு ஒரு அடிகனமான பாத்திரத்தை அடுப்பில் வைத்து நெய் சேர்த்து காய்ந்ததும் நாம் வடித்து வைத்துள்ள சாதம், காய்ச்சிய பால், சேர்த்து அதன்மேல் வறுத்து வைத்துள்ள முந்திரி, வெங்காயம் சேர்த்து மூடி வைத்து 15 நிமிடங்கள் கழித்து இறக்கவும். அவ்வளவுதான் சுவையான முந்திரி சாதம் தயார்.