சன்னா தால் ஸ்டஃப்டு சப்பாத்தி ஒருமுறை இப்படி செய்து பாருங்க! பின் அடிக்கடி உங்கள் வீட்டில் இதுதான் உணவு!!!

Ingredients

• 50 கிராம் கடலைப்பருப்பு
• 1 கப் கோதுமை மாவு
• 1 தேக்கரண்டி நெய்
• 1 தேக்கரண்டி மிளகாய்த் தூள்
• 1/2 தேக்கரண்டி மஞ்சள் தூள்
• 1/4 தேக்கரண்டி சீரகம்
• 1/4 தேக்கரண்டி மிளகு
• உப்பு (தேவைக்கேற்ப)
• சோடா உப்பு (சிறிதளவு)

Method

1. கோதுமை மாவுடன் உப்பு, சோடா உப்பு மற்றும் நெய் சேர்த்து, வெது வெதுப்பான தண்ணீர் ஊற்றிப் பிசைந்து காற்று புகாத டப்பாவில் போட்டு அரை மணி நேரம் வைத்திருக்கவும்.

2. குக்கரில் கடலைப்பருப்புடன் மிளகாய்த் தூள், மஞ்சள் தூள், சீரகம் மற்றும் மிளகு போட்டு, தேவையான அளவு தண்ணீர் ஊற்றி 5 விசில் வரும் வரை வேகவிடவும்.

3. வெந்ததும் குக்கரைத் திறந்து மற்றொரு பாத்திரத்திற்கு மாற்றி தண்ணீர் வற்றும் வரை நன்கு கிளறி ஆறவிடவும்.

4. ஆறியதும் மிக்ஸியில் போட்டு தேவையான அளவு உப்பு சேர்த்து அரைக்கவும்.

5. கலவை நன்கு கெட்டியான பதத்தில் இருக்க வேண்டும். அப்படி இல்லையென்றால் கடலை மாவு சேர்த்துக் கொள்ளலாம்.

6. பிசைந்து வைத்திருக்கும் கோதுமை மாவைச் சிறு உருண்டையாக எடுத்து வட்டமாகத் தேய்த்து, அதன் நடுவில் சிறிதளவு கடலைப்பருப்புக் கலவையை வைத்து மூடி உருண்டையாக உருட்டி வைக்கவும்.

7. உருட்டிய உருண்டைகளை சப்பாத்தி போல் தேய்த்துக் கொள்ளவும். அடுப்பில் தவாவை வைத்து சப்பாத்தியைப் போட்டுச் சுட்டெடுக்கவும்.

8. டேஸ்டி சன்னா தால் ஸ்டஃப்டு சப்பாத்தி ரெடி.