சுட சுட சோறுடன் ஊற்றி சாப்பிட ருசியான இஞ்சி கார குழம்பு ஒரு தரம் இப்படி செய்து பாருங்கள்!

Ingredients

• 1/4 கப் இஞ்சி
• 1/2 கப் தேங்காய்
• 4 பச்சை மிளகாய்
• 2 வர‌ மிளகாய்
• 1 கப் சின்ன வெங்காயம்
• 1 தக்காளி
• 1/4 கப் புளி கரைசல்
• நல்லெண்ணெய் (தேவையான அளவு)
• உப்பு (தேவையான அளவு)
• 1 துண்டு வெல்லம்
• 1/2 டீஸ்பூன் கடுகு
• 1/2 டீஸ்பூன் துவரம் பருப்பு
• 1/2 டீஸ்பூன் உளுந்தம்பருப்பு
• 1 கொத்து கறிவேப்பில்லை
• 1/2 டீஸ்பூன் மஞ்சள் தூள்
• 1 டீஸ்பூன் மிளகாய்த்தூள்

Method

1. முதலில் இஞ்சியை தோல் சீவி பொடியாக நறுக்கி வைத்துக் கொள்ளவும்.

2. பின் ஒரு மிக்ஸி ஜாரில் இஞ்சி, தேங்காய் துருவல் சேர்த்து கொஞ்சமாக தண்ணீர் விட்டு நன்கு அரைத்துக் கொள்ளவும்.

3. ஒரு வாணலியை அடுப்பில் வைத்து நல்லெண்ணெய் ஊற்றி காய்ந்ததும் கடுகு, துவரம்பருப்பு, உளுத்தம்பருப்பு சேர்த்து வறுத்து கொள்ளவும். அத்துடன் பச்சை மிளகாய், வரமிளகாய், கருவேப்பிலை சேர்த்து வதக்கவும்.

4. பின் நறுக்கிய வெங்காயம் சேர்த்து நன்கு வதக்கவும். வெங்காயம் வதங்கியதும் தக்காளி சேர்த்து நன்கு வதக்கவும்.

5. தக்காளி நன்கு வதங்கியதும் புளி கரைசல் சேர்த்து அதனுடன் தேவையான அளவு உப்பு, மஞ்சள்தூள், மிளகாய்த்தூள், தேவையான அளவு தண்ணீர் விட்டு மூடி போட்டு நன்கு கொதிக்க விடவும்.

6. குழம்பு நன்கு கொதித்ததும் அரைத்து வைத்துள்ள தேங்காய், இஞ்சி விழுது சேர்த்து கொதிக்க விடவும். குழம்பு நன்கு கொதித்து பச்சை வாசனை போனதும் சிறிதளவு வெல்லம் மற்றும் நல்லெண்ணெய் சேர்த்து அடுப்பை அணைத்து விடவும்.

7. அவ்வளவுதான் சுவையான மற்றும் ஆரோக்கியமான இஞ்சி கார குழம்பு தயார். இந்த குழம்பு காய்ச்சல் வந்து போன பிறகு சாதத்துடன் சேர்த்து சாப்பிட வாய்க்கு ருசியாக இருக்கும்.