ஹோட்டல் ஸ்டைல் வெஜிடபிள் பிரியாணி ஒரு முறை இப்படி செய்து பாருங்கள் இனி இப்படித்தான் வேண்டும் என உங்கள் வீட்டில் உள்ளவர்கள் கேட்பார்கள்!!!

Ingredients

• 2 கப் பாசுமதி அரிசி
• 4 டேபிள் ஸ்பூன் நெய்
• 2 பட்டை, கிராம்பு, ஏலக்காய்
• 2 பிரியாணி இலை
• 200 கி பன்னீர்
• 100 கி பிரெட்
• 1 காலிஃப்ளவர்
• 1 கப் நறுக்கிய கேரட்,பீன்ஸ்,உருளைக்கிழங்கு
• 1/2 கப் பச்சை பட்டாணி
• 1 டீஸ்பூன் இஞ்சி பூண்டு விழுது
• 4 பெரிய வெங்காயம்
• 2 தக்காளி
• 2 பச்சை மிளகாய்
• 2 டீஸ்பூன் காஷ்மீர் மிளகாய்த்தூள்
• 1 டீஸ்பூன் மல்லி தூள்
• 1/2 கப் புதினா, கொத்தமல்லி
• உப்பு (தேவையான அளவு)
• எண்ணெய் (தேவையான அளவு)
• 1/2 டீஸ்பூன் கரம் மசாலா தூள்
• 4 டேபிள் ஸ்பூன் தயிர்

Method

1. முதலில் பன்னீர் மற்றும் பிரெட் துண்டுகளை சிறு சிறு துண்டுகளாக நறுக்கி எண்ணெயில் போட்டு பொன்னிறமாக பொரித்து எடுத்துக் கொள்ளவும்.

2. பின் நீள வாக்கில் நறுக்கிய வெங்காயத்தை சேர்த்து பொன்னிறமாக வறுத்து எடுத்துக் கொள்ளவும்.

3. பின் ஒரு பாத்திரத்தை அடுப்பில் வைத்து தேவையான அளவு தண்ணீர் மற்றும் உப்பு அதனுடன் எண்ணெய் சேர்த்து கொதிக்கவிடவும். கொதித்ததும் பாசுமதி அரிசியை சேர்த்து உதிரியாக வடித்து எடுத்துக் கொள்ளவும்.

4. பின் ஒரு கடாயை அடுப்பில் வைத்து எண்ணெய் மற்றும் நெய் ஊற்றி காய்ந்ததும் அதில் பட்டை, இலவங்கம், ஏலக்காய், பிரிஞ்சி இலை சேர்த்து தாளிக்கவும்.

5. பின் நீள வாக்கில் நறுக்கிய வெங்காயம் மற்றும் பச்சை மிளகாய் சேர்த்து நன்கு வதக்கவும். வெங்காயம் நன்கு வதங்கியதும் இஞ்சி பூண்டு விழுது சேர்த்து பச்சை வாசனை போகும் வரை வதக்கவும்.

6. பின் பொடியாக நறுக்கிய தக்காளி சேர்த்து தக்காளி நன்கு மசியும் வரை வதக்கவும். அதனுடன் நறுக்கிய காய்கறிகள் சேர்த்து வதக்கவும்.

7. பின் மஞ்சள் தூள், மிளகாய் தூள், மல்லித்தூள், கரம் மசாலா தூள் சேர்த்து 2 நிமிடங்கள் வதக்கி, அதில் தேவையான அளவு தண்ணீர் மற்றும் உப்பு சேர்த்து காய்கறிகள் நன்கு வேகும் வரை கொதிக்க விடவும்.

8. காய்கறிகள் நன்கு வெந்ததும் பொடியாக நறுக்கிய கொத்தமல்லி, புதினா, தயிர் சேர்த்து 2 நிமிடங்கள் கொதிக்க விடவும்.

9. பின் இந்த கிரேவியை வடித்து வைத்துள்ள பாசுமதி சாதத்தில் சேர்க்கவும். அதன் மேல் பொறித்து வைத்துள்ள பன்னீர், பிரெட் துண்டுகள், வெங்காயம் ஆகியவற்றை சேர்த்து அதன் மேல் சிறிது கொத்தமல்லி, புதினா, மற்றும் நெய் சேர்த்து கிளறி மிதமான தீயில் 2 நிமிடங்கள் வைத்து எடுத்தால் சுவையான ஹோட்டல் ஸ்டைல் வெஜ் பிரியாணி தயார்.