வெயிலுக்கு இதமா மதுரை ஸ்பெஷல் ஜிகர்தண்டா இப்படி செய்து பாருங்க!

செய்முறை

1. 1

   முதலில் நீங்கள் ஜிகர்தண்டா செய்ய போகிறீர்கள் என்றால் ஜிகர்தண்டா செய்வதற்கு முந்தைய நாள் இரவிலேயே பாதாம் பிசின் நான்கு துண்டுகளை ஒரு பவுளில் போட்டு இரவு முழுவதும் நன்றாக ஊற வைத்து கொள்ளுங்கள்.

2. 2

   அதன் பிறகு சக்கரை பாகு தயாரிப்பதற்கு அரை கப் சர்க்கரையை ஒரு பாத்திரத்தில் சேர்த்து அடுப்பில் வைத்து விடுங்கள். சர்க்கரை நன்கு உருகி வந்ததும் அதில் அரை கப் சூடான தண்ணீர் சேர்த்து இறக்கிக் கொள்ளுங்கள்.

3. 3

   அதன் பிறகு அரை லிட்டர் பாலை அடுப்பில் வைத்து இதனுடன் இரண்டு டீஸ்பூன் அளவு சர்க்கரை சேர்த்து பால் கிரீம் பதத்திற்கு வரும் வரை கிளறி விட்டு சுண்ட காட்சி எடுத்துக் கொள்ளுங்கள. அதன் பிறகு மற்றொரு பாத்திரத்தை அடுப்பில் வைத்து அதிலும் அரை லிட்டர் பால் ஊற்றி இரண்டு டீஸ்பூன் சர்க்கரை சேர்த்து பாலை கொதிக்க விடுங்கள்.

4. 4

   பின் பால் நன்றாக கொதித்ததும் இதனுடன் நாம் செய்து வைத்த சர்க்கரை பாகுவில் பாதி அளவு இதனுடன் சேர்த்துக் கொள்ளவும். அதன் பின்பு நாம் வாங்கி வைத்திருக்கும் இரண்டு வெண்ணிலா ஐஸ்கிரீமை ஒன்றாக ஒரே பவுளில் சேர்த்து அதில் இரண்டு டீஸ்பூன் சக்கரை பாகு சேர்த்து கலக்கி கொள்ளுங்கள்.

5. 5

   இப்படி நாம் தயார் செய்தே அனைத்து பொருட்களையும் ஃப்ரிட்ஜில் வைத்து நன்றாக குளிர வைத்துக் கொள்ளுங்கள். அதன் பிறகு அனைத்து பொருட்களும் நன்றாக குளிர் எறியதும் ஒரு கண்ணாடி டம்ளர் எடுத்துக் கொண்டு முதலில் நாம் தயார் செய்து வைத்திருக்கும் பாதாம் பிசின் சிறிது அதில் போட்டு அதற்கு மேல் நன்னாரி சர்பத் இரண்டு டீஸ்பூன் சேர்த்து கொள்ளவும்.

6. 6

   பின் நம் சுண்ட காய்ச்சி வைத்திருக்கும் பாலை அதன் மேல் சிறிதளவு சேர்த்து அதற்கு மேல் நம் சக்கரை பாகு கலந்த பாலை ஊற்றிக் கொள்ளுங்கள்.அதன் மேல் சிறிது வெண்ணிலா ஐஸ்கிரீமை எடுத்து பாலில் கலந்து விட்டு கொள்ளவும்.

7. 7

   ஆதன் பின் இன்னொரு ஸ்பூன் வெண்ணிலா ஐஸ்கிரீம் எடுத்து பால் மீது கலக்காமல் வைத்து விடுங்கள் அவ்வளவுதான் மதுரை ஸ்டைல் ஜில் ஜில் ஜிகர்தண்டா இனிதே தயாராகி விட்டது.